Ahrapramysłovy kompleks krainy pavinien stać adnym z hałoŭnych drajvieraŭ rostu nacyjanalnaj ekanomiki ŭ III kvartale 2014 hoda. Ab hetym zajaviŭ siońnia premjer-ministr Michaił Miaśnikovič na pasiadžeńni Savieta Ministraŭ.
Pavodle słoŭ premjera, sielskaja haspadarka ŭ hetym hodzie prykmietna prybaŭlaje. «Płanujecca, što ahrapramysłovy kompleks budzie adnym z hałoŭnych drajvieraŭ ekanamičnaha rostu ŭ trecim kvartale. U nas jość usie padstavy paśpiachova zaviaršyć žnivo, zachavać i racyjanalna rasparadzicca atrymanym uradžajem, atrymać prybytak na ŭkładzienyja ŭ sielskuju haspadarku srodki», - skazaŭ Michaił Miaśnikovič. Dla hetaha kiraŭnikom dziaržavy i ŭradam stvorany ŭsie ŭmovy.
Akramia taho, siońnia jość mahčymaść «rasšyć kłubok» isnujučych u halinie prablem. U pryvatnaści, za košt pryniatych kiraŭnikom dziaržavy ŭkazaŭ, aptymizacyi finansavańnia.
U cełym, havoračy ab vynikach raboty biełaruskaj ekanomiki ŭ pieršym paŭhodździ, kiraŭnik urada kanstatavaŭ paskareńnie jaje rostu. Pryčym na zdarovaj nieemisijnaj asnovie.
«Na praciahu ŭsich 6 miesiacaŭ biahučaha hoda zabiaśpiečvajecca dadatnaje salda ŭ źniešnim handli tavarami i pasłuhami, kraina maje dadatny bałans popytu i prapanavańnia valuty. Pryčym pa ŭsich siehmientach rynku (pradpryjemstvy, nasielnictva, banki)», - adznačyŭ premjer. Usio heta, pavodle jaho słoŭ, kaštuje vialikich namahańniaŭ jak urada, tak i Nacyjanalnaha banka. «Nielha nazvać stan spraŭ u hrašova-kredytnaj śfiery idealnym, ale stabilizacyja zabiaśpiečana», - skazaŭ Michaił Miaśnikovič.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva29
Kamientary