Redkaja źjava — ceny aŭtobusnych biletaŭ u Litvu źnizilisia. Źjavilisia i novyja rejsy ŭ Polšču
Jakija ciapier ceny aŭtobusnych kvitkoŭ u Vilniu i Varšavu?
Ceny na aŭtobusy ŭ Vilniu pajšli ŭniz
Dabracca ź Minska ŭ Vilniu i Koŭna stała tańniej. Adrazu dva pieravozčyki źnizili ceny kvitkoŭ sa 180 da 160 rubloŭ pa maršrucie Minsk — Iŭje — Vilnia i z 240 da 210 rubloŭ za pajezdku da Koŭna, vynikaje ź infarmacyi servisu Atlasbus.
U Ecolines taksama novyja ceny. Dabracca ź Vilni ŭ Minsk možna za 49 jeŭra (kala 167 rubloŭ) i navat z 14‑pracentnaj źnižkaj — za 42 jeŭra (kala 143 rubloŭ).
Nahadajem, što ŭ žniŭni 2025 hoda ceny biletaŭ ź Minska da Vilni vyraśli da 250 rubloŭ.
Što da inšych kirunkaŭ, to ceny Atlasbus vyhladajuć tak: Hrodna — Vilnia — 180 rubloŭ, Lida — Vilnia — 165 rubloŭ.
Što na polskim kirunku?
Dabracca ź Minska da Varšavy možna za 125‑150 rubloŭ. Bolšaść aŭtobusaŭ jedzie praz Brest, ale jość i tyja, što jeduć praź Bierastavicu. Da Biełastoka jeduć praź Bierastavicu, kvitki kaštujuć pa 140 rubloŭ.
Z Hrodna da Varšavy možna dabracca za 130 rubloŭ, a da Biełastoka — za 100 rubloŭ. Ad pačatku novaha hoda rejsaŭ z Hrodna stała bolš. Na pastajannaj asnovie pačali kursavać jašče dva pramyja rejsy Hrodna — Varšava z zajezdam u Biełastok. Adpraŭleńnie z Hrodna a 7:30 i 15:30, z Varšavy — a 16:50 i 22:30.
Z Bresta da Varšavy možna dajechać za 100—105 rubloŭ.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ10
Kamientary
Z adnaho boku heta supier, a z druhoha boku drać 250 rubloŭ na Kalady i navahodnija śviaty heta značyć naŭmysna abdzirać ludziej, jakija chočuć śviatkavać sa svaimi rodnymi, sa svajoj siamjoj. Soramna tak rabić.
Dalšie avtobus iz Vilni až do Tallina možno za 10-15 jevro kupiť s biespłatnym kofie i vidakom.