U Minsku adkryłasia novaja krama ŭcenienaj techniki. Što tam pradajecca?
U Minsku na vulicy Mieleža niadaŭna adkryŭsia mahazin ucenienaj techniki «Hadžetava». Zaraz tam pastupova pašyrajuć asartymient i abiacajuć, što nieŭzabavie ŭ kramie źjavicca bolš bujnoj bytavoj techniki — posudamyjnyja mašyny, chaładzilniki, duchavyja šafy i nie tolki. Pakul ža ŭ asartymiencie pieravažaje drobnaja technika, ale jość i vyklučeńni, piša Realt.by
Mahazin ucenienaj techniki adkryŭsia pa adrasie: vulica Mieleža, 5, korpus 1. Heta pobač z vulicami Leanida Biady i Uschodniaj. Jon znachodzicca pa susiedstvie z kramaj FixPrice, uvachod — u tyja ž dźviery.
U kramie kažuć, što źnižki na tavary mohuć dasiahać 70%. Čaściej za ŭsio pryčyna ŭcenki — upakoŭka: jana abo paškodžanaja, abo nie zachavałasia.
— Sama technika pracuje idealna, jana prachodzić pravierku, — raspaviadajuć u kramie.
Mohuć być drapiny abo ŭmiaciny, jakija nie ŭpłyvajuć na pracu, ale pra heta abiacajuć zahadzia paviedamlać.
Zaraz asartymient kramy — heta ŭ asnoŭnym nieŭbudavanyja duchavyja šafy, mikrachvaloŭki, elektrasušyłki, aerahryli, kandycyjaniery, elektraplity, pyłasosy i blendary.
Z vyhadnych prapanoŭ — televizar sa Smart TV, jaki zvyčajna kaštuje 1300 rubloŭ, tut pradajecca za 800 rubloŭ. Jość mikrachvaloŭka za 369 rubloŭ pry pačatkovaj canie 600 rubloŭ, elektrasušyłki startujuć ad 269 rubloŭ, a elektryčnyja duchavyja šafy — ad 169 rubloŭ.
Taksama ŭ prodažy jość elektraplity na adnu abo dźvie kanforki — takija zvyčajna nabyvajuć na čas ramontu. Ich košt — ad 39 da 169 rubloŭ (zvyčajnyja ceny — da 260 rubloŭ).
Možna kupić čajniki ad 39 rubloŭ, blendary — ad 99 rubloŭ, ciepłavientylatary i abahravalniki — ad 49 rubloŭ, pyłasosy — ad 199 rubloŭ, termapoty — ad 49 rubloŭ, a aerahryli — ad 229 rubloŭ.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary