U Biełarusi niekatoryja pravajdary błakujuć dostup da ŭkrainskich sajtaŭ: internet-kanał rasijski

U Biełarusi blakujuć dostup da niezaležnych ukrainskich sajtaŭ, spasyłajučysia na zakanadaŭstva Rasiejskaj Federacyi. U pryvatnaści, siońnia ciaham ranicy byŭ zablakavany sajt censor.net.ua, niekalki dzion z terytoryi Biełarusi nie prahladajecca sajt niezaležnaj internet-hazety glavnoe.ua.

Na staronkach źmieščana infarmacyja, što «dostup da sajtu abmiežavany ŭ adpaviednaści z zakanadaŭstvam Rasiejskaj Federacyi». U pryvatnaści, adznačajecca, što «sajt moža ŭtrymlivać infarmacyju, raspaŭsiud jakoj na terytoryi Rasiei zabaronieny».

Pavialičyć

Ukrainskija sajty blakujuć nie ŭ Biełarusi — heta robiać rasiejskija pravajdery. Heta ŭ interviju vydańniu «Biržievoj lidier» paćvierdzili pradstaŭniki Dziaržinspekcyi pa elektrasuviazi Minsuviazi i infarmatyzacyi Biełarusi. Pavodle ich słovaŭ, Biełaruś zakuplaje trafik, pry hetym adzin z kanałaŭ, pa jakich trafik pastupaje ŭ krainu, idzie z Rasiei. Rasiejcy nie ŭličyli intaresy biełaruskaha boku i nakłali na trafik, jaki idzie ŭ bok Biełarusi, ułasnyja filtry.

U Rasiei sapraŭdy isnuje dziaržaŭny rejestr, u jakim sabranyja ŭsie zabaronienyja dla raspaŭsiudu na terytoryi Rasiejskaj Federacyi damennyja imiony, sietkavyja adrasy i pakaźniki staronak sajtaŭ, jakija dazvalajuć identyfikavać sajty ŭ internecie.

Padstavaj dla ŭniasieńnia ŭ Adziny rejestr internet-resursu źjaŭlajecca raspaŭsiudžvańnie dadzienym sajtam materyjałaŭ, u jakich źmiaščajecca infarmacyja pa vyrabie i vykarystańni narkatyčnych abo psychatropnych srodkaŭ, albo na sajcie źmieščany materyjały z parnahrafičnymi malunkami asobaŭ, jakija nie dasiahnuli niepaŭnalećcia. Jašče adnoj pryčynaj, pavodle jakoj luby sajt moža być uniesieny ŭ «čorny śpis», źjaŭlajecca rašeńnie suda, jakoje pryznaje materyjały, jakija źmiaščajucca na dadzienym internet-resursie, infarmacyjaj, jakuju zabaroniena raspaŭsiudžvać na terytoryi Rasijskaj Fiederacyi.

U vypadku abmiežavańnia dostupu da taho ci inšaha resursu biełaruskim karystalnikam prapanujuć źviartacca da svaich pravajderaŭ ci naŭprost u Biełtelekam. Tady nakiroŭvajecca zapyt u Rasieju, i blakavańnie resursu z terytoryi Biełarusi pavinna spynicca.

U Biełarusi isnuje padobnaja praktyka blakavańnia internet-resursaŭ, taksama isnuje ŭłasny čorny śpis sajtaŭ. Pavodle nieaficyjnaj infarmacyi, tudy ŭvachodziać sajty Chartyi'97, «Biełaruskaha partyzana», sajt pravaabarončaha centru «Viasna» i mnohija inšyja.

• 0
• 0
• 0
• 0
• 0
• 0
• 0
• 0