KDB prosić paviedamlać pra sproby viarboŭki ŭ «narodnaje apałčeńnie Danbasa»?
KDB raspaŭsiudziŭ pa ŚMI i sacyjalnych sietkach papiaredžańnie ab niebiaśpiecy viarboŭki hramadzian Biełarusi pradstaŭnikami «sieparatystaŭ» Danbasa, paviedamlaje radyjo «Svaboda».
«Apošnim časam pačaścilisia vypadki sprob viarboŭki nieŭstanoŭlenymi asobami hramadzian Respubliki Biełaruś dla ŭdziełu ŭ bajavych dziejańniach u składzie «narodnaha apałčeńnia» niepryznanych respublik paŭdniovaha ŭschodu Ukrainy. Dadzienyja asoby pry hetym mohuć apielavać da vašych patryjatyčnych pačućciaŭ, a taksama abiacać značnaje hrašovaje ŭznaharodžańnie», — havorycca ŭ papiaredžańni.
KDB nahadvaje, što bajavyja dziejańni na terytoryi susiedniaj siabroŭskaj dziaržavy nie padtrymlivajucca prezidentam i ŭradam Respubliki Biełaruś, a taksama papiaredžvaje hramadzian ab kryminalnaj adkaznaści pa artykule «najmictva» — ad troch da siami hadoŭ z kanfiskacyjaj majomaści, pavodle biełaruskaha zakanadaŭstva.
Pra vypadki takoj viarboŭki prosiać paviedamlać na telefon davieru KDB.
Paźniej źjaviłasia infarmacyja, što KDB nie maje dačynieńnia da takich abviestak.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary