Prezident Ekvadora Rafael Karea paćvierdziŭ pradastaŭleńnie prytułku zasnavalniku sajta WikiLeaks Džulianu Asanžu.
«Situacyja z Asanžam moža być vyrašana ŭžo zaŭtra, kali Vialikabrytanija daść jamu propusk, kab pakinuć krainu», — skazaŭ Karea.
Pavodle słovaŭ prezidenta Ekvadora, Asanžu vyrašyli dać prytułak, bo ŭłady ZŠA nie harantavali zachavańnie zakona pry rasśledavańni jaho spravy. Akramia taho, jak zajaviŭ Karea, u ZŠA jość upłyvovyja ludzi, jakija patrabujuć prysudzić Asanža da śmiarotnaha pakarańnia, što parušaje pravy čałavieka.
U paniadziełak Asanž zajaviŭ, što moža pakinuć pasolstva Ekvadora ŭ najbližejšy čas.
Advakat aŭstralijca Dženifier Robinsan patłumačyła, što jon pakinie terytoryju dypmisii tolki paśla dasiahnieńnia damoŭlenaściej z brytanskimi ŭładami nakont «pradastaŭlenaha jamu Kita (stalica Ekvadora) palityčnaha prytułku z metaj likvidacyi pahrozy vydačy ZŠA».
Džulijan Asanž dva hady chavajecca ŭ ekvadorskim pasolstvie ŭ Łondanie, kab ułady Brytanii nie mahli ekstradziravać jaho ŭ Šviecyju, dzie jon abvinavačvajecca ŭ seksualnym hvałcie.
Asanž ličyć abvinavačvańni ŭ svoj adras palityčna matyvavanymi i baicca, što Stakholm vydaść jaho ZŠA, dzie jamu vystaviać abvinavačvańni ŭ abnarodavańni sakretnaj infarmacyi.
Sajt WikiLeaks apublikavaŭ archivy uzbrojenych sił ZŠA pra vojny i Iraku i Afhanistanie, a taksama dypłamatyčnuju pierapisku Dziarždepartamienta ZŠA. Za abnarodavańnie hetych sakretnych materyjałaŭ Asanžu ŭ ZŠA moža pahražać śmiarotnaje pakarańnie.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary