U Breście sioleta nie źjavicca novy biełaruskamoŭny kłas
Dla jaho stvareńnia nie znajšłosia patrebnaj kolkaści navučencaŭ.
Zaraz adziny ŭ abłasnym centry kłas z navučańniem pa-biełarusku znachodzicca ŭ pačatkovaj škole №34. Jon byŭ stvorany namahańniami baćkoŭ u 2011 hodzie. Dniami dzieci, jakija tam navučajucca, pojduć u pieršy kłas.
Baćki šaścihadovaj Kamiły taksama chacieli navučać svajo dzicia pa-biełarusku. Čynoŭniki prapanavali adpaviednaje miesca na bazie ŭsio toj ža 34-j škoły. Adnak umovy supracoŭnikaŭ adździełu adukacyi Maskoŭskaha rajonu Bresta nie źmianilisia: baćki musiać sami šukać patencyjnych pieršakłaśnikaŭ — minimum 5 čałaviek.
Pa słovach baćki Kamiły Alesia Leŭčuka, na žal, samastojna adšukać dla dački adnakłaśnikaŭ nie atrymałasia. Dziaŭčynka praź niekalki dzion pojdzie ŭ kłas z ruskamoŭnaj formaj adukacyi.
«Ad pačatku nam pastavili ŭmovu znajści piać čałaviek. Ja liču, što heta niezakonna, bo ŭsie my viedajem, što ŭ Mahilovie jość kłas, dzie vučycca adzin čałaviek. Čamuści ŭ Breście i ŭ Mahilovie roznyja zakony».
Zaraz baćki Kamiły kansultujucca ź jurystami. Jany nie vyklučajuć, što buduć sudzicca i z adździełam adukacyi Maskoŭskaha rajona Bresta, i z kiraŭnictvam škoły №34.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary