Pra bojku z udziełam televiadučaj ANT Kaliny Vardomskaj stała viadoma ad naviedvalnikaŭ foruma Onliner.by.
Dźvie žančyny nie parazumielisia na kont taho, chto kaho musić prapuścić na darozie. Incydent adbyŭsia ŭ dvary kala dziciačaha sadka.
Pavodle śviedčańniaŭ paciarpiełaj ad viadučaj ANT, spačatku Kalina Vardomskaja vyjšła z aŭto i plunuła na kapot čužoha «Parše». A paśla nalacieła na supiernicu.
«Dačakaŭšysia, pakul kiroŭca vylezie z mašyny, nakinułasia na jaje, pačaŭšy luta bić rukami i nahami, raz-poraz vykrykvajučy abrazy, sarvała ź jaje zavušnicy, kinuła ich na ziamlu. Praź niekalki chvilin jana sieła ŭ mašynu i chutka źjechała ŭ nieviadomym kirunku. Paciarpiełaja ž dziaŭčyna na hety momant stajała na kaleniach. Usie tvar byŭ u siniakach, vałasy mocna rastrapanyja, na łbie niekalki vialikich šyšak, a z močak vušej išła kroŭ», — cytuje Onliner vidavočcu.
Źbitaja žančyna zafiksavała paboi i źviarnułasia ŭ milicyju, kab pačać kryminalnuju spravu.
Viersija Kaliny Vardomskaj krychu inšaja:
«Jana stała bykavać. I prosta kab joj kryŭdna było, dała joj takoha dobraha «piendala» pad zad. Jana ŭčapiłasia mnie ŭ tvar, ale ja nie razhubiłasia, naniesła joj niekalki udaraŭ. Žančyna kryčała, što ja takaja-siakaja, što maich dziaciej kudy-to tam treba i hetak dalej, što jana šmatdzietnaja maci».
Cikava, što na hetym biedy viadučaj ANT nie skončylisia. Jak Vardomskaja raskazała »Kamsamołcy», u šokavym stanie jana nakiravałasia na zapraŭku, ale vyjechała adtul razam sa šłanham. DAI aformiła DTZ.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary