Vajskovy ataše pasolstva Rasii ŭ Biełarusi Maksim Kazancaŭ na adkryćci kruhłaha stała, pryśviečanaha Pieršaj suśvietnaj vajnie, zajaviŭ:
«Niahledziačy na toje što čałaviectva jašče pamiataje trahiedyju dźviuch suśvietnych vojnaŭ, siońnia «militarysckija koły Zachadu znoŭ nadzvyčaj šyroka vykarystoŭvajuć nacyjanalistyčnuju prapahandu dla adpaviednaha ideałahičnaha padmacavańnia svaich płanaŭ».
Jon sa škadavańniem adznačyŭ, što «dla jeŭrapiejskich dziaržavaŭ hetaja vajna nie stała ŭrokam», što chutka pryviało da druhoha suśvietnaha vajennaha kanfliktu.
«U ciapierašnim śviecie, dzie lik udzielnikaŭ luboha dosyć surjoznaha kanfliktu značna bolšy, prynamsi, u paraŭnańni ź likam udzielnikaŭ jeŭrapiejskaha kanfliktu 1914 hoda, niebiaśpieka eskałacyi stanovicca vielmi realnaj, — zajaviŭ dypłamat. — Asabliva vialikaja jana, kali niekatoryja z udzielnikaŭ kanfliktu pavodziać siabie zusim biezadkazna. U hetaj suviazi ja chacieŭ by zaznačyć, što ŭroki apošnich kanfliktaŭ pakazvajuć nam, što taktyka stvareńnia kaalicyj, uciahvańnia ŭ kanflikt nierehularnych uzbrojenych farmiravańniaŭ nabyła tendencyju i vykarystoŭvajecca palitykami ŭ vialikich kanfliktach u cełych rehijonach».
U jakaści prykładu Kazancaŭ pryvioŭ vajennyja kanflikty ŭ Iraku, Siryi, Paŭdniovaj Afrycy i inšych rehijonach.
Kamientary