Kantaktnaja hrupa pa Ukrainie damoviłasia pra stvareńnie 30-kiłamietrovaj niejtralnaj zony
U Miensku kala druhoj hadziny nočy byŭ padpisany memarandum ab mierach pa spynieńni ŭzbrojenaha kanfliktu na paŭdniovym uschodzie Ŭkrainy. Usiaho sustreča trochbakovaj kantaktnaj hrupy doŭžyłasia kala siami hadzinaŭ razam ź viačeraj.
Padpisany memarandum składajecca z 8 punktaŭ, jakija ŭtrymlivajuć nastupnaje:
- spynieńnie ahniu;
- spynieńnie vajskovych farmavańniaŭ na pazycyjach, jakija jość na 19 vieraśnia;
- advod ciažkaha ŭzbrajeńnia na dalnaść 15 kilametraŭ ad linii supraćstajańnia;
- advod artyleryjskaj zbroi dyjametram bolš za 100 mm i bolej dalej za dalnaść stralby;
- demantaž inžynernych vajskovych zabudoŭ; zabarona na ŭstalavańnie novych minna-padryŭnych zabudoŭ;
- zabarona na paloty vajskovaj avijacyi, akramia bieśpiłotnikaŭ ABSE;
- manitorynh ABSE uzdoŭž usioj ukraina-rasiejskaj miažy u zonie kanfliktu;
- manitorynh ABSE va ŭsioj zonie kanfliktu;
- vyvad usich zamiežnych najomnikaŭ z abodvuch bakoŭ.
Były prezydent Ukrainy Leanid Kučma nazvaŭ pieramovy «ciažkimi», ale adznačyŭ, što «stvareńnie 30 kilametrovaj zony biaśpieki daść šaniec na ŭstalavańnie sapraŭdnaha miru».
Pavodle Płatnickaha, status DNR i ŁNR na pasiedžańni kantaktnaj hrupy nie abmiarkoŭvaŭsia.
«Niekatoryja parušeńni pratakołu ad 5 vieraśnia byli, ale siońnia hetamu budzie pastaŭlenaja kropka», — zapeŭniŭ Płatnicki.
Alaksandr Zacharčanka zajaviŭ, što DNR i ŁNR nie admiaŭlajucca ad idei niezaležnaści.
«Zaraz my budziem vystrojvać svaju vertykal ułady, damahacca pryznańnia našaj niezaležnaści nam i nia treba — siońniašnija pieramovy — užo jość pryznańnie našaj niezaležnaści. Nijakich vybaraŭ Ukrainy na terytoryi DNR i ŁNR nia budzie ani ŭ listapadzie, ani paźniej», — zajaviŭ Alaksandr Zacharčanka rasiejskamu telekanału Lifenews.
Pasoł Rasiei va Ŭkrainie Michaił Zurabaŭ zapeŭniŭ, što praces abmienu pałonnymi budzie praciahvacca pa śpisach, jakija pradstaŭlajuć baki. Udzielniki pieramovaŭ skazali, što praca kantaktnaj hrupy na hetym nie zakančvajecca, ale nie ŭdakładnili, kali adbudziecca čarhovaja sustreča.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary