U Minsku buduć sudzić 36‑hadovaha žychara stalicy, jaki vyrašyŭ dakazać znajomym svaju vartaść śpiecyfičnym čynam. Za hoły zabieh pa vulicy Bajkalskaj jamu pahražaje da troch hadoŭ źniavoleńnia, paviedamlajuć «Minsk-Naviny».
Historyja zdaryłasia poźnim listapadaŭskim viečaram. Mužčyna vypivaŭ u kampanii kala adnaho z damoŭ. Padčas hutarki zaviazałasia sprečka: ci zmoža jon prabiehčysia pa vulicy zusim biez adzieńnia. Minčuk paličyŭ, što jaho biaruć «na słabo», raspranuŭsia i pabieh u bok susiedniaj škoły.
Adnak spartyŭny impet chutka źnik praz choład. Praź niejki čas jon tak źmiorz, što pasprabavaŭ viarnucca, ale nie zmoh zhadać, dzie pakinuŭ svaje rečy.
Tady hoły mužčyna pabieh da pryjaciela na vulicu Anharskuju. Dźviery jamu adčyniła sužycielka tavaryša, jakaja razam ź jaho maci stała śviedkaj niezvyčajnaj karciny: nieznajomiec biez adzieńnia ŭvarvaŭsia ŭ kvateru, pačaŭ biehać pa pakojach, potym zaharnuŭsia ŭ pled na čužym łožku, a paśla staŭ šukać sabie štany ŭ ich šafie.
Milicyju vyklikali vidavočcy, jakija bačyli aholenaha minčuka jašče na vulicy. Jaho zatrymali. Vyśvietliłasia, što ŭ mužčyny ŭžo jość niepahašanaja sudzimaść za sprobu hrabiažu ŭ 2023 hodzie.
Ciapier mužčynu abvinavačvajuć u chulihanstvie. Prakuratura padkreśliła, što jaho dziejańni adznačylisia «vyklučnym cynizmam».
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary