Vykidy vuhlakisłaha hazu ŭ atmaśfieru — hałoŭnaja pryčyna hłabalnaha paciapleńnia — u 2014 hodzie praciahnuć raści, dasiahnuŭšy novaha rekordu ŭ 40 miljardaŭ ton.
«Kvota», jakaja zastałasia čałaviectvu na vykidy CO2, moža być vyčarpana na praciahu ŭžo adnaho pakaleńnia. Hetyja dadzienyja byli apublikavanyja navukoŭcami — udzielnikami Hłabalnaha prajekta pa vuhlarodzie (Global Carbon Project) — u niekalkich navukovych časopisach.
U apošnim varyjancie Hłabalnaha vuhlarodnaha biudžetu (Global Carbon Budget) pakazvajecca, što dla ŭtrymańnia pavyšeńnia siaredniaj tempieratury klimatyčnaj sistemy Ziamli ŭ miežach 2 hradusaŭ pa Celsii (ź vierahodnaściu ŭ 66%) miaža ŭsich budučych vykidaŭ CO2 pavinna składać 1200 młrd ton.
Pry ciapierašnim uzroŭni vykidaŭ hetaja kvota budzie vyčarpanaja ciaham užo 30 hadoŭ (dźvie traciny jaje ludzi ŭžo vykarystali). Kab paźbiehnuć hetaha scenara, bolš za 50% dastupnych čałaviectvu zapasaŭ vykapniovaha paliva treba budzie pakinuć niekranutymi — albo ukaranić, u masavym maštabie, novyja technałohii nazapašvańnia CO2 pad ziamloj.
U 2014 hodzie vykidy vuhlakisłaha hazu (ad spalvańnia vykapniovych vidaŭ paliva) vyrastuć na 2,5% ŭ paraŭnańni z 2013 hodam, i na 65 — z 1990-m hodam (punktam adliku dla Kijockaha pratakoła). Bolš za ŭsio CO2 vykidvajuć Kitaj, ZŠA, Jeŭrasajuz i Indyja (58%ad hłabalnaj emisii). Siarod ich tolki Jeŭrasajuz skaraciŭ vykidy ŭ 2013 hodzie (na 1,8%), pry tym, što da traciny ad svaich abjomaŭ jon ekspartuje ŭ Kitaj i inšyja krainy, za košt impartu tavaraŭ i pasłuh.
Asnoŭnaj krynicaj vykidaŭ CO2 zastajecca spalvańnie vykapniovaha paliva, a taksama vytvorčaść cemientu i vysiakańnie lasoŭ.
Usie hetyja dadzienyja byli apublikavanyja napiaredadni Samitu pa klimacie, jaki projdzie pad ehidaj AAN u Ńju-Jorku 23 vieraśnia. Čakajecca, što na hetym mierapryjemstvie suśvietnyja lidary abmiarkujuć mahčymyja miery pa baraćbie z vykidami CO2.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary