Ikona hrečaskaha śviatoha vialebnaha Stylijana Pafłahonskaha prybudzie 3 kastryčnika ŭ Minsk z vostrava Korfu (Hrecyja), paviedamlaje aficyjny partał Biełaruskaha ekzarchata Ruskaj pravasłaŭnaj carkvy.
Uračystaja sustreča ikony adbudziecca ŭ 11.35 u Nacyjanalnym aeraporcie Minsk.
Vialebny Stylijan Pafłahonski naradziŭsia ŭ Andryjanapali (zaraz rajon viadomy jak Edyrnie na paŭnočnym zachadzie Turcyi) u bahataj siamji. U rańnim uzroście staŭ pustelnikam, adnak u adroźnieńnie ad bolšaści inšych adzinotnikaŭ, jon vychodziŭ rabić dabro ludziam, viartajučysia ŭ svaju piačoru dla adpačynku i malitvaŭ. Zhodna z padańniem, svaimi malitvami jon zdabyŭ boskuju łasku Śviatoha Ducha i nabyŭ zdolnaść lačyć.
Śviaty Stylijan ličycca achoŭnikam dziaciej, pakolki jon pryśviaciŭ siabie dzieciam, jakija pakutavali nie tolki fizična, ale i tym, chto mieŭ patrebu ŭ duchoŭnaj navucy. Padańni kažuć, što siemji ŭsich sasłoŭjaŭ daviarali śviatomu Stylijanu vychavańnie svaich dziaciej.
Na ikonach śviaty vyjaŭleny sa spavitym niemaŭlatkam na rukach.
Šanavańnie vialebnaha Stylijana Pafłahonskaha asabliva mocnaje ŭ cerkvach hrečaskaha pravasłaŭja.
Kamientary