Urad Rasii daručyŭ Minfinu padpisać pratakoł ab vydzialeńni Biełarusi dziaržaŭnaha ekspartnaha kredytu ŭ abjomie da 10 miljardaŭ dalaraŭ na budaŭnictva AES.
Pra heta havorycca ŭ rasparadžeńni kabinieta ministraŭ, apublikavanym na partale pravavoj infarmacyi.
Zhodna z dakumientam, Minfin i MZS Rasii pavinny buduć pravieści pieramovy ź biełaruskim bokam i pa dasiahnieńni damoŭlenaściej padpisać adpaviedny pratakoł ad imia ŭrada.
Srodki buduć vydatkavanyja na finansavańnie 90% koštu kantrakta budaŭnictva dvuchbłočnaj AES.
Raboty pa ŭźviadzieńni pieršaha błoka AES pavinny zaviaršycca ŭ 2017 hodzie, pa druhim — u 2019 hodzie. Uvod u ekspłuatacyju pieršaha enierhabłoka zapłanavany na 2017—2018 hady, druhoha — u 2020 hodzie. Hienieralnym padradčykam vystupić rasijski «Atambudekspart», zakazčykam — DU «Dyrekcyja budaŭnictva atamnaj elektrastancyi».
Damova ab pradastaŭleńni Biełarusi kredytu dla finansavańnia avansavych płaciažoŭ pa hienkantrakt na zbudavańnie Biełaruskaj AES była padpisana uradam Biełarusi, Źniešekanambankam i Biełźniešekanombankam ŭ siaredzinie maja. Rašeńnie ab adkryćci Biełarusi kredytnaj linii da 500 miljonaŭ dalaraŭ terminam da 8 hadoŭ było pryniata naziralnym savietam Źniešekanambanka 19 śniežnia 2013 hoda.
Biełaruś źviarnułasia da Rasii z prapanovaj ab pabudovie AES u Astravieckim rajonie jašče ŭ 2009 hodzie. U mai baki padpisali adpaviednaje mižuradavaje pahadnieńnie, a viasnoj 2011 hoda - pahadnieńnie ab supracoŭnictvie. Stancyja budzie mahutnaściu 2,4 hihavaty.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary