U noč na 13 kastryčnika nieviadomyja ździejśnili zamach na lidara h.zv. ruchu «Navarosija» Paŭła Hubarava. Paviedamlajecca, jaho aŭtamabil abstralali na trasie Rastoŭ — Danieck na terytoryi samaabvieščanaj Danieckaj narodnaj respubliki.
Paśla abstrełu mašyna ŭrezałasia ŭ słup. Hubaraŭ biez prytomnaści byŭ dastaŭleny ŭ adnu z balnic Rastova.
Miž tym pamočnica lidara «Navarosii» Hanna raspaviała ŭ intervju radyjostancyi «Havoryć Maskva», što ŭ jaje pakul niama dakładnych źviestak ab zamachu na Hubarava. «Ja hetuju infarmacyju nie abviarhaju, ale i paćvierdzić taksama nie mahu, bo hetaja infarmacyja z druhich ruk», — zajaviła jana.
Viečaram 12 kastryčnika Hubaraŭ anansavaŭ na svajoj staroncy ŭ Facebook, što źbirajecca zrabić 13 kastryčnika «vielmi važnuju zajavu».
12 kastryčnik «CVK» DNR admoviŭsia zarehistravać partyju Hubarava na vybarach «kiraŭnika» samaabvieščanaj respubliki.
Hubaraŭ byŭ abrany «narodnym hubiernataram» u sakaviku nieviadomymi ludźmi na sieparatysckim mitynhu. Potym jon byŭ aryštavany ŭkrainskimi ŭładami na dva miesiacy, ale zatym abmienieny.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»1
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary