12 śniežnia Rasieja i Polšča damovilisia pra adnaŭleńnie pastavak u RF polskaj žyviołahadoŭčaj pradukcyi. Heta aznačaje, što biełaruskija miasakambinaty znoŭ buduć zahružanyja.
Pastaŭki polskaha miasa ŭ Rasieju adnoviacca paśla padpisańnia na nastupnym tydni ŭ Kalininhradzie adpaviednaha Memarandumu, paviedamlaje rasiejski «Kommiersant».
Baki damovilisia pra mytnyja punkty propusku i rehlament uzajemadziejańnia veterynarnych słužbaŭ dvuch krainaŭ.
U časie sustrečy ministraŭ sielskaj haspadarki Rasiei i Polščy Marek Savicki raspavioŭ svajmu rasiejskamu kalehu pra pieravytvorčaść miasnoj pradukcyi ŭ jaho krainie, i, jak śled, vialikuju važnaść adnaŭleńnia ekspartu pradukcyi ŭ RF. Alaksiej Hardziejeŭ u svaju čarhu paviedamiŭ pra toje, što kvota pa miasnoj pradukcyi ŭ Rasiei nie zasvojvajecca całkam, i ciaham hetaha hodu jaho kraina niedaatrymała z Eŭraźviazu kala 100 tys. ton śvininy.
Kanflikt pamiž dziaržavami ŭsčaŭsia ŭ listapadzie 2005 h. Rasieja źvinavaciła Polšču ŭ hrubym parušeńni veterynarnaha zakanadaŭstva pry pastaŭkach žyviołahadoŭčaj pradukcyi i abmiežavała jaje pastaŭki z hetaj krainy. U adkaz Polšča nakłała veta na pieramovy pa pahadnieńni Rasieja‑ES ab supracoŭnictvie i partnerstvie pierad samitam ŭ Chelsinki ŭ listapadzie 2006 h.
U traŭni prezydent Lech Kačyński vystupiŭ z zajavaj, u jakoj paviedamiŭ pra blakavańnie Polščaj pieramovaŭ pamiž EZ i Maskvoj ab ustupleńni Rasiei ŭ SHA praz prablemy vakoł embarha na pastaŭki polskaha miasa ŭ RF. Sytuacyja vyrašyłasia z prychodam na pasadu preḿjer‑ministra Polščy Donalda Tuska, jaki zaklikaŭ da kanstruktyŭnaha dyjalohu z Rasiejaj. U pačatku listapada 2007 h. Rasieja i Polšča dasiahnuli damoŭlenaści ab pačatku inspekcyj polskich miasapierapracoŭčych pradpryjemstvaŭ rasiejskimi veterynarami.
Varta nahadać, što ŭ sakaviku 2007 h. Polska‑rasiejski skandał zakranuŭ i Biełaruś. Rasiejski bok źvinavaciŭ biełaruskich pastaŭščykoŭ miasa ŭ RF u reeksparcie polskaha miasa.
Z metaju abarony ajčynnych vytvorcaŭ 17 sakavika ŭpraŭleńnie veterynaryi Minsielhascharčupryniaŭ abmiežavała abjom impartu polskaha miasa. U vyniku biełaruskija miasapierapracoŭčyja pradpryjemstvy, što pracavali z polskaj syravinaj, apynulisia pierad pahrozaj zhortvańnia biznesu. Tak, viadomy ŭ Bieraściejskaj SEZ vytvorca «Inkafud» amal utraja skaraciŭ abjom vytvorčaści. Vice‑premjer Ivan Bambiza zapeŭniŭ ajčynnych pierapracoŭščykaŭ, što polskaje miasa vierniecca na biełaruski rynak, ale adbudziecca heta paśla taho, jak budzie dasiahnutaja trochbakovaja damoŭlenaść pamiž Biełaruśsiu, Polščaj i Rasiejaj.
Kamientary