Ajčynnych vytvorcaŭ vinavaciać u kantrabandzie i reeksparcie polskaha miasa.
Pra mahčymaść abmiežavańnia ŭvozu biełaruskaha miasa ŭ Rasieju paviedamiŭ ministar sielskaj haspadarki RF Alaksiej Hardziejeŭ . Pryčyna nahadvaje sytuacyju ź biełaruskim cukram – našych pastaŭščykoŭ vinavaciać u kantrabandzie. Nibyta letaś na rasiejski rynak nielehalna zavieźli 200-250 tys. tonaŭ miasa.
Ministar pastaviŭ biełaruskim kaleham umovu – spynieńnie kantrabandnych pastavak, a taksama reekspartu miasa. U advarotnym vypadku Biełaruś čakaje istotnaje skaračeńnie pastavak ajčynnaj śvininy ŭ Rasieju.
Pavodle rasiejskaha ministerstva, u bolšaści vypadkaŭ biełaruskaje nielehalnaje miasa traplaje ŭ Rasieju z Polščy.
Uschodniaja małodšaja susiedka takim čynam praciahvaje zhortvać datavańnie biełaruskaj ekanomiki, cisnučy na najbolš prybytkovyja abjekty biełaruskaj pramysłovaści. Nahadajem, što sioleta Biełaruś musiła pajści na sastupki Rasiei ŭ handli cukram. Biełarusaŭ źvinavacili ŭ kantrabandzie syrcovaha cukru. U vyniku Miensk byŭ vymušany pajści na samaabmiežavańnie pastavak cukru ŭ RF. Kali raniej u Rasieju adhružali da 400 tys. t. cukru, to u biahučym hodzie hety pakazčyk składaje 180 tys. t, a ŭ nastupnym – 100 tys. t. Pytańnie paradku pastavak biełaruskaha cukru ŭ Rasieju vyrašycca 21 sakavika ŭ Maskvie.
Ad 1 sakavika źniatyja abmiežavańni ŭ pastaŭkach rasiejskaha piva na biełaruski rynak.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary