Pradstaŭnik AAN zajaviŭ, što mižnarodnaja supolnaść nie paśpiavaje za tempami raspaŭsiudžvańnia Eboły — da śniežnia, na jaho dumku, u tydzień buduć zachvorvać da 10 tys. čałaviek.
Kiraŭnik misii pa praduchileńni epidemii Eboły Entani Benbiery, vystupajučy ŭ Saviecie Biaśpieki AAN, zajaviŭ, što virus raspaŭsiudžvajecca chutčej, čym miedyki paśpiavajuć prymać miery.
Pa słovach Benbiery, virus «vyjhraje honku».
Prezident ZŠA Barak Abama ŭ aŭtorak zajaviŭ, što śviet pradprymaje niedastatkova namahańniaŭ, kab strymać epidemiju Eboły.
Pa słovach pradstaŭnikoŭ Biełaha doma, lidary Vialikabrytanii, Francyi, Hiermanii, Italii i ZŠA abmiarkujuć u sieradu situacyju z raspaŭsiudžvańniem śmiarotnaj chvaroby ŭ chodzie videakanfierencyi.
Napiaredadni Benbiery paviedamiŭ Savietu Biaśpieki AAN, što kali Eboła nie budzie spynienaja ciapier, to śviet «sutykniecca z zusim biesprecedentnaj situacyjaj, dla jakoj u nas niama płana dziejańniaŭ».
«Kali my nie dasiahniem pastaŭlenych metaŭ, i kolkaść tych, chto zachvareŭ Ebołaj, rezka vyraście, jak niekatoryja pradkazvajuć, isnujučy ŭ nas płan nie budzie adpaviadać maštabam novaha kryzisu», — pieraściaroh Benbiery.
Pradstaŭnik AAN zaklikaŭ nakiravać bolš finansavych srodkaŭ dla lačebnych centraŭ i miedycynskaha piersanału.
Pavodle niadaŭniaha prahnozu SAAZ, kali sproby spravicca z epidemijaj nie pryniasuć pośpiechu, užo praz dva miesiacy štotydzień Ebołaj moža zachvorvać 5-10 tysiač čałaviek.
Na dadzieny momant zafiksavana 8914 vypadkaŭ zachvorvańnia Ebołaj. SAAZ čakaje, što kolkaść zaražanych dasiahnie 9000 da kanca hetaha tydnia.
SAAZ aceńvaje maštab epidemii, hruntujučysia na ŭžo paćvierdžanych vypadkach zachvorvańnia Ebołaj u krainach Afryki, pamnažajučy ich u 1,5-2,5 razy, u zaležnaści ad rehijona, kab adlustravać mahčymyja niaŭličanyja vypadki zaražeńnia.
Namieśnik hienieralnaha dyrektara SAAZ Brus Ejłvard ŭ aŭtorak paviedamiŭ, što rost kolkaści chvorych u «histaryčnym epicentry» epidemii zapavoliŭsia, ale papiaredziŭ, što ab pośpiechu kazać jašče rana.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści47
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary