Litaraturnuju premiju «Anhiełus-2014» atrymaŭ słavak Pavał Rankaŭ
Pavał Rankaŭ (Pavol Rankov) staŭ padvojnym łaŭreatam: atrymaŭ Litaraturnuju premiju «Anhiełus» i ŭznaharodu čytačoŭ imia Natalli Harbanieŭskaj za apovieść «Heta stałasia pieršaha vieraśnia (abo kaliści tam)». Arhanizataram i fundataram premii źjaŭlajecca horad Vrocłaŭ.
Pavał Rankaŭ naradziŭsia ŭ 1964 hodzie, heta adzin z samych cikavych słavackich piśmieńnikaŭ, čyja tvorčaść pierakładzienaja na šmatlikija jeŭrapiejskija movy, a taksama na japonskuju, chindzi i arabskuju. Łaŭreat prestyžnych mižnarodnych i słavackich premij.
U pieramožnaj knizie havorka idzie pra časy Druhoj suśvietnaj vajny ŭ čechasłavackim miastečku pry miažy ź Vienhryjaj. U miastečku žyvuć i pamirajuć čechi, słavaki, niemcy, jaŭrei, cyhany, bałhary i palaki. U zaležnaści ad prychodu čarhovaj ułady, jany źmianiajuć bijahrafii, navat nacyjanalnaści i imiony, kab vyžyć.
U 2012 hodzie premiju «Anhiełus» atrymała Śviatłana Aleksijevič za knihu «U vajny nie žanočy tvar». U roznyja hady ŭ finał «Anhiełusa» vychodzili taksama Natalla Babina i Ihar Babkoŭ.
Śpis knih, kvalifikavanych na Anhiełus-2014:
- Mieczysław Abramowicz, «Bowiem jak śmierć potężna jest pamięć» /Wydawnictwo OSKAR/
- Monika Białkowska, «Sukienka ze spadochronu» /Hajdasz Production/
- Edward Bochnak, «Niepokojne morze» /Wydawnictwo AGNI/
- Radovan Brenkus, «Powroty piekła» /Wydawnictwo ABILION/
- Jelena Czyżowa, «Czas kobiet» /Wydawnictwo Czarne/
- Adam Dobrotka, «Słodki żywot. Moja historia» /Wydawnictwo Poligraf/
- Olgierd Dziechciarz, «Małopolski» /MAMIKO/
- Robert Gong, «Kokainowa miłość» /Firma handlowo-wydawnicza ALFA-ZET 7/
- Emil Hakl, «Zasady śmiesznego zachowania» /Wydawnictwo Afera/
- Marika Krajniewska, «Okno» /Wydawnictwo Papierowy Motyl/
Kamientary