70 hadoŭ tamu na Vilenščynie na zapaviet maršała Juzafa Piłsudskaha było pabudavana 100 škoł. U niekatorych i siońnia vučacca biełaruskija dzieci.
70 hadoŭ tamu na Vilenščynie na zapaviet maršała Juzafa Piłsudskaha było pabudavana 100 škoł. U niekatorych i siońnia vučacca biełaruskija dzieci.
Śviatočna adznačyła svajo 70‑hodździe Zadaroskaja bazavaja škoła Hłybockaha rajonu. Padarunkam da jubileju stała pieramoha kalektyvu nastaŭnikaŭ i vučniaŭ u rajonnym konkursie‑ahladzie na lepšyja budynak i terytoryi vakoł navučalnaj ustanovy. Lepšym taksama nazvany metadyčny kabinet biełaruskaj movy. A jašče ŭvosień miascovaja škoła atrymała bahaciejšy ŭradžaj aharodniny.
— Vypadkova takoje nie dasiahajecca, — ličyć kolišniaja vypusknica Zadaroskaj škoły piśmieńnica Iryna Žarnasiek, — tradycyi ŭpartaści ŭ vučobie i pracy iduć ad pačatku zasnavańnia hetaj unikalnaj škoły.
Hościa uračystaści pryznajecca, što piša ciapier pra svaju pieršuju škołu, fundatara jaje budoŭli i nastaŭnikaŭ.
Sa słovaŭ Iryny Žarnasiek, tamtejšaja škoła — starejšaja na Hłyboččynie. Jana była pabudavanaja ŭ adpaviednaści z zapavietam kiraŭnika Polskaj dziaržavy Juzefa Piłsudskaha. Niezadoŭha da svajoj śmierci jon zahadaŭ pabudavać na Vilenščynie 100 škoł.
— Uzvodzili chutka, — kaža piśmieńnica, — adkryćcio adbyłosia ŭvosień 1937 hodu. Z hetaj nahody ŭ kaściole prajšła admysłovaja imša. U klasy pa vyvučeńniu matematyki, hieahrafii, historyi i jašče šaści pradmietaŭ baćki pryviali 156 vučniaŭ. Dyrektaram byŭ pryznačany Stefan Paŭłoŭski. Zaniatki pačynalisia ŭ 8 ranicy, uroki doŭžylisia 40 chvilin.
Štorazu sa źmienaj ułady ŭ škole vyviešvali novyja partrety: spačatku byŭ Piłsudski, potym — Lenin, paśla — Hitler. Ciarpieli nastaŭniki i vučni. Da prykładu, Stefana Paŭłoŭskaha balšaviki aryštavali na vačoch dziaciej, jakich jon vučyŭ rabić dabro. Rasstralali nastaŭnika ŭ Katyni.
Ciapierašniaja dyrektarka Alina Alachnovič pryznajecca, što maryć, kab u škole byŭ muzej jaje historyi, a proźvišča Stefana Paŭłoŭskaha ŭšanavana na memaryjalnaj došcy.
— Praŭdzivych źviestak i sapraŭdnych ekspanataŭ dastatkova, — kaža Alina Alachnovič, — šmat čaho ź ich my vyviesili na stendach, utvaryli krajaznaŭčy kutok.
U Zadarožžy ja spatkałasia ź miascovaj 80‑hadovaj žycharkaj Hannaj Viarcinskaj. Babula ŭpeŭnienaja, što škoła Piłsudskaha prastaić jašče sto hadoŭ.
Darečy, analahičnyja budynki zachavalisia i siońnia ŭ Barsukach (pierad Dokšycami), Boŭkałach i Škuncičach (Šarkaŭščynski rajon).
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary