Viadomy rasijski akcior Ivan Achłabyścin u razmovie z telekanałam Russia Today zajaviŭ, što «nibyta pamierłyja» ad virusa Eboły ludzi praź niekalki dzion ažyvajuć. Pry hetym akcior pravioŭ paralel ź filmami pra žyvych mierćviakoŭ, h.zn. zombi, paviedamlaje Dožd́.
«U apošni čas, u kinamastactvie ŭzmocniena musiravałasia tema «žyvych mierćviakoŭ». A ja čuŭ, što šmat vypadkaŭ, kali ludzi, nibyta ŭžo pamierłyja ad virusa Eboły, ažyvali praź niekalki dzion. Mnie nidzie pakul nie ŭdałosia daviedacca: što ŭ ich tam z mazhami? Ale arbalet na ŭsialaki vypadak kupiŭ», — zajaviŭ Achłabyścin RT u adkaz na prośbu prakamientavać situacyju z suśvietnaj epidemijaj Eboły.
Akcior śpiecyjalna udakładniŭ, što jon nie žartuje: «Kali vy dumajecie, što ja žartuju — vy taksama pamylajeciesia».
Učora stała viadoma, što Łatvija ŭniesła Achłabyścina ŭ «čorny śpis».
Ministr zamiežnych spraŭ Edhar Rynkievič rastłumačyŭ svaju pazicyju ŭ Twitter tym, što praimpierskija vykazvańni akciora raspalvajuć etničnuju varožaść. Akramia taho, paźniej Rynkievič dadaŭ, što na pryniaćcie rašeńnia ab uklučeńni ŭ «čorny śpis» paŭpłyvali zajavy Achłabyścina pra toje, što hiejaŭ treba spalvać.
A voś u Minsku Ivan Achłabyścin vystupić 13 listapada (KZ «Minsk») z praciaham svaich «Duchoŭnych hutarak». Bolš za pałovu biletaŭ užo raspradali.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary