Kancepcyja novaj nacyjanalnaj kaśmičnaj prahramy Biełarusi pieradadziena na ŭzhadnieńnie ŭ Saviet ministraŭ, paviedamiŭ dyrektar Abjadnanaha instytuta prablem infarmatyki Nacyjanalnaj akademii navuk Biełarusi Alaksandr Tuzikaŭ.
«Kancepcyja novaj nacyjanalnaj kaśmičnaj prahramy ŭžo padrychtavanaja, jana ŭzhodniena z roznymi arhanizacyjami i viedamstvami respubliki i pieradadziena ŭ Saviet ministraŭ, — raskazaŭ vučony. — Dalej urad pavinien vyrašyć, ci pryniać kancepcyju i ŭ jakim vyhladzie». Tuzikaŭ rastłumačyŭ, što šerah pytańniaŭ «patrabuje razhladu na samym vysokim uzroŭni», u pryvatnaści toje, jakoj budzie spadarožnikavaja sistema ŭ Biełarusi ŭ cełym.
Novaja kaśmičnaja prahrama vyznačyć «dalejšaje raźvićcio sistemy dystancyjnaha zandavańnia Ziamli», u tym płanie, jak «zrabić hetu sistemu šmatuzroŭnievaj, jakaja ŭklučaje kaśmičny, kalaziamny i naziemny siehmienty», skazaŭ śpiecyjalist. Akramia taho, kaśmičnaja prahrama zakranie raźvićcio sistemy kaśmičnaj suviazi.
«Vielmi važny momant źviazany ź sistemaj navihacyjna-časavaha zabieśpiačeńnia, jakoje praduhledžvaje raźvićcio kaśmičnaj i naziemnaj častki navihacyjnaha zabieśpiačeńnia, dakładnaha pazicyjanavańnia, vykarystańnia danych navihacyjnych sistem u bolš udakładnienym režymie», — skazaŭ Tuzikaŭ, dadaŭšy, što ŭ novaj prahramie taksama ŭtrymlivajucca pytańni adukacyi i pravavyja aśpiekty kaśmičnaj dziejnaści.
Vučonyja, pavodle słoŭ Tuzikava, spadziajucca na toje, što kancepcyja prahramy budzie pryniataja sioleta: «Navuka adpracavała svaju častku, padrychtavała prapanovy i ŭzhadniła ich, zaraz dziaržava pavinna vyznačycca ź finansavańniem».
Nahadajem, 28—30 kastryčnika ŭ Abjadnanym instytucie prablem infarmatyki NANB prachodzić VI Biełaruski kaśmičny kanhres. U jaho pracy ŭdzielničaje bolš za sotniu viadučych śpiecyjalistaŭ kaśmičnaj haliny ź Biełarusi, Rasii, Ukrainy i šerahu inšych krain. Pytańni, što abmiarkoŭvajucca na navukovym forumie, datyčacca pierśpiektyŭnych materyjałaŭ i elemientnaj bazy dla kaśmičnaj techniki; kaśmičnych prajektaŭ i prahram; spadarožnikaŭ, metavaj i navukovaj aparatury; srodkaŭ i mietadaŭ apracoŭki i pakazu danych dystancyjnaha zandavańnia Ziamli; navučańnia i padrychtoŭki kadraŭ dla kaśmičnaj haliny; zabieśpiačeńnia nadziejnaści i pracazdolnaści kaśmičnych sistem i aparataŭ; vykarystańnia vynikaŭ kaśmičnaj dziejnaści ŭ intaresach roznych halin ekanomiki.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary