Hałoŭnym śledčym upraŭleńniem Śledčaha kamiteta Biełarusi zavieršanaje rasśledavańnie kryminalnaj spravy ŭ dačynieńni da ŭradženca Babrujska 1975 hoda naradžeńnia, jaki ŭ siaredzinie lipienia hetaha hoda ŭčyniŭ hvałtoŭnyja dziejańni sieksualnaha charaktaru ŭ dačynieńni da zaviedama małaletniaj minčanki.
Ustanoŭlena, što abvinavačany, znachodziačysia ŭ lasnym masivie niepadalok ad Daŭhinaŭskaha traktu ŭ Minsku, majučy namier zadavolić svaju pałavuju prahu, paznajomiŭsia ź dziaŭčynkaj 2003 hoda naradžeńnia, paśla čaho, padaŭlajučy volu paciarpiełaj, zaciahnuŭ jaje ŭ hłyb lasnoha masivu, dzie udaryŭ pałkaj pa tvary, a potym učyniŭ da jaje hvałtoŭnyja dziejańni sieksualnaha charaktaru.
Śledčymi taksama ŭstanoŭlenyja fakty ŭčynieńnia hetym čałaviekam złačynstvaŭ majomasnaha charaktaru na terytoryi Minska.
Padčas rasśledavańnia pa kryminalnaj spravie praviedzienyja niekalki socień śledčych dziejańniaŭ, skiravanych na vykryćcio złačynnaj dziejnaści abvinavačanaha. Praanalizavanyja sudovyja ekśpiertyzy, praviedzienyja padčas śledstva. Zhodna z vysnovami psichołaha-psichijatryčnaj ekśpiertyzy, abvinavačany ŭśviedamlaŭ faktyčny charaktar i hramadskuju niebiaśpieku svaich dziejańniaŭ, dziejničaŭ składana i metanakiravana, prymaŭ miery pieraściarohi.
Na praciahu ŭsiaho rasśledavańnia abvinavačany pavodziŭ siabie zadzirliva, pra ŭčynienaje złačynstva raskazvaŭ z asablivym cynizmam i žorstkaściu, havoračy, što pieršapačatkova źbiraŭsia zabić dziaŭčynku, adnak potym nie staŭ hetaha rabić.
Śledstvam ustanoŭlena, što abvinavačany raniej užo dvojčy ŭčyniaŭ zabojstvy dziaciej (pieršy raz u niepaŭnaletnim uzroście na terytoryi Biełarusi, druhi — na terytoryi Rasii), źviazanyja z hvałtoŭnymi dziejańniami sieksualnaha charaktaru, a taksama ŭčyniŭ šerah inšych złačynstvaŭ sieksualnaha charaktaru na terytoryi RF.
Dziejańni mužčyny kvalifikavanyja na padstavie č. 3 art. 167 (hvałtoŭnyja dziejańni sieksualnaha charaktaru, učynienyja ŭ dačynieńni da zaviedama małaletniaj), art. 206 (rabavańnie), art. 205 (kradziež) Kryminalnaha kodeksa.
Abvinavačany znachodzicca pad vartaj. Materyjały kryminalnaj spravy pieradazienyja prakuroru dla nakiravańnia ŭ sud.
Kamientary