Žycharka Afhanistana zabiła jak minimum 25 bajevikoŭ isłamisckaha ruchu «Taliban», kab adpomcić za zabojstva svajho syna, paviedamiła Khaama Press.
Afhaniec słužyŭ u atradzie palicyi i zahinuŭ na vačach matki na adnym z kantrolna-prapusknych punktaŭ u pravincyi Farach. Paśla hetaha jana razam sa svajoj dačkoj i žonkaj syna sabrała zbroju, jakaja zastałasia na KPP i ŭstupiła ŭ pierastrełku ź isłamistami, jakaja doŭžyłasia kala siami hadzinaŭ. U vyniku na poli boja zastalisia nie mienš za 25 bajevikoŭ.
Pradstaŭnik ministerstva ŭnutranych spraŭ Afhanistana Sedzik Sedziki adznačyŭ, što arhanizavanaja žančynami ŭzbrojenaja kampanija suprać talibaŭ stała simvałam revalucyi i paŭstańnia hramadzkaści suprać ruchu «Taliban».
U kastryčniku 2014 hodu brytanskija i amerykanskija vojski aficyjna skončyli bajavyja aperacyi ŭ Afhanistanie i pieradali svaje bazy afhanskim uzbrojenym siłam.
Mižnarodnyja siły pad kiraŭnictvam NATA vajavali suprać bajevikoŭ-isłamistaŭ u Afhanistanie z 2001 hodzie, kali «Taliban» admoviŭsia vydać Usamu bin Ładena, arhanizatara teraktaŭ 11 vieraśnia 2001 hodu ŭ ZŠA.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary