U pieršym siezonie vosiem epizodaŭ.
Amazon Prime učora, 4 sakavika, prezientavaŭ sieryjał «Małady Šerłak», jaki składajecca z vaśmi epizodaŭ. Režysiory — Haj Ryčy, Anders Eksmtrem, Tryša Brok i Deni Hordan. Haj Ryčy taksama hałoŭny pradziusar sieryjała.
U pieršym siezonie budzie raskazana pra pieršuju spravu — junaku daviadziecca raskryć zabojstva ŭ Oksfardskim univiersitecie.
Maładoha Šerłoka Chołmsa syhraŭ Chira Fajns Cifin (plamieńnik Rejva Fajnsa), a jahonaha praciŭnika Džejmsa Maryjarci — Donał Fin.
Buduć pakazanyja baćki Šerłaka (baćku syhraje inšy dziadźka Chira Fajnsa — Džozef Fajns), a taksama jaho brat Majkraft.
Źviartaje na siabie ŭvahu i Kolin Fiort, jaki syhraŭ prafiesara Bucefała Chodža z raskošnymi vusami i bakienbardami.
U kananičnym Chołmsie (apaviadańniach i apovieściach sera Artura Konan Dojła) nijakich apaviadańniaŭ pra maładyja hady vialikaha syščyka niama.
Pra maładoha Šerłaka pisaŭ Endzi Łejn, pavodle apovieściaŭ jakoha i źniaty «Małady Šerłak». Pra «darosłaha» Chołmsa piša Entani Horavic z błasłavieńnia naščadkaŭ Artura Konan Dojła.
Haj Ryčy źniaŭ u 2009 i 2010 hadach dva filmy: «Šerłak Chołms» i «Šerłak Chołms: Hulnia cieniaŭ» z Robiertam Daŭni-małodšym u hałoŭnaj roli. Vatsana syhraŭ Džud Łou, Iren Adler — Rejčeł Makadams, Majkrafta Chołmsa — Styvien Fraj, a Maryjarci — Džared Charys.
Potym interpretacyi Ryčy zatmiŭ sieryjał «Šerłak» ad Bi-bi-si, dzie hałoŭnuju rolu syhraŭ Bieniedykt Kambierbietč, Vatsana — Marcin Frymen, a Maryjarci — Endru Skot.
Na sajcie Imbd, dzie aceńvajucca filmy, «Małady Šerłak» maje 7,4 bała (646 hałasoŭ), na Rotten Tomatoes — 84 pracenty adabreńnia.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads13
Kamientary