Nacyjanalnym bankam Respubliki Biełaruś zaćvierdžany Pieralik pamiatnych maniet, jakija płanujucca da vypusku na 2015 hod. Takoje rašeńnie pryniata pastanovaj Praŭleńnia Nacyjanalnaha banka ad 08.12.2014 № 758, u adpaviednaści ź jakoj u nastupnym hodzie płanujecca vypuścić 9 najmieńniaŭ pamiatnych maniet Nacyjanalnaha banka.
Tak, u suviazi sa śviatkavańniem znakavaj histaryčnaj padziei – jubileju Pieramohi — Nacyjanalny bank Respubliki Biełaruś płanuje vypuścić manietu «70 hadoŭ Pieramohi savieckaha naroda ŭ Vialikaj Ajčynnaj vajnie».
Akramia taho, u nastupnym hodzie ŭvieś pravasłaŭny śviet budzie śviatkavać 1000-hodździe śmierci śviatoha roŭnaapostalnaha kniazia Uładzimira, jaki 1 žniŭnia 988 h. pryznačyŭ dzień usienarodnaha Chryščeńnia ŭ vodach Dniapra, dzie i adbyłosia Tainstva śviatoha Chryščeńnia. Nacyjanalnym bankam praduhledžany vypusk u abaračeńnie maniet, pryśviečanych hetaj pamiatnaj dacie.
Sieryja pamiatnych maniet «Umacavańnie i abarona dziaržavy» budzie praciahnuta vypuskam maniet «Mikałaj Radzivił Čorny», 500-hodździe z dnia naradžeńnia jakoha budzie adznačacca ŭ 2015 hodzie.
Napiaredadni 2016 hoda ŭ praciah sieryi «Kitajski kalandar» budzie vypuščana pamiatnaja manieta «Hod Małpy». Taksama budzie praciahnuta sieryja pamiatnych maniet «Zadyjakalny haraskop» vypuskam pamiatnych maniet, pryśviečanych znakam zadyjaka: «Šali (Libra)», «Skarpijon (Scorpio)», «Stralec (Sagittarius)», «Rak (Cancer)», «Leŭ (Leo)», «Dzieva (Virgo)».
Z ulikam papularnaści biełaruskaha baleta i cikavaści, jakaja prajaŭlajecca da hetaj tematycy z boku jak našych hramadzian, tak i zamiežnych numizmataŭ, u Pieralik na 2015 hod uklučany pamiatnyja maniety «Biełaruski balet. 2015».
Stała ŭžo tradycyjaj vypuskać pamiatnyja maniety, pryśviečanyja Ptušcy hoda, jakuju vyznačaje hramadskaje abjadnańnie «Achova ptušak Baćkaŭščyny». U 2015 hodzie takoj ptuškaj budzie «Vušataja sava».
Napiaredadni 500-hodździa vychadu Biblii Francyska Skaryny Nacyjanalny bank pačynaje vypusk pamiatnych maniet sieryi «Šlach Skaryny».
U 2015 hodzie buduć vypuščany ŭ abaračeńnie dźvie maniety: «Šlach Skaryny. Połack» i «Šlach Skaryny. Krakaŭ». Usiaho ž u ramkach hetaj sieryi ŭ 2015–2017 hh. płanujecca vypuścić 5 maniet z adlustravańniem haradoŭ, u jakich žyŭ i pracavaŭ Francysk Skaryna (Połack, Krakaŭ, Paduja, Vilnia i Praha).
Z 1 studzienia 2015 h. u adpaviednaści z dahavoram, padpisanym prezidentami Respubliki Biełaruś, Respubliki Kazachstan i Rasijskaj Fiederacyi 29 maja 2014 h. u h. Astanie, pačynaje funkcyjanavać Jeŭrazijski ekanamičny sajuz (JEAES). Zychodziačy z histaryčnaj značnaści hetaj padziei, u śniežni 2015 h. usimi krainami – udzielnicami JEAES płanujecca sinchronny vypusk pamiatnych maniet, pryśviečanych utvareńniu Jeŭrazijskaha ekanamičnaha sajuza.
Kamientary