Vyniki hodu naŭskid

Zaraz usie padvodziać vyniki hodu… Na relihijnych sajtach taksama. Vydzialajuć niejkija samyja značnyja padziei hoda. Składajuć navat śpisy, ale ŭ takich śpisach možna zabłukać, tak i nie pabačyŭšy za drevami lesu.

Zrazumieła, patrebnaja i dakładnaja padrabiaznaja infarmacyja. A voś kali prosta, što było takoje samaje značnaje ŭ relihijnym žyćci Biełarusi? Čamu nas navučyŭ minuły hod i što daŭ? Jakija perspektyvy nam adkryvajucca ŭ suviazi z hetym u nastupnym hodzie?

Nia budu vielmi aryhinalnym, kali skažu, što hałoŭnaja padzieja – heta viartańnie ŭ Biełaruś katalickaha mitrapalita Tadevuša Kandrusieviča. Hetaja padzieja ŭžo značna paŭpłyvała na relihijnaje žyćcio. I, dumaju, aktyvizacyja Katalickaj carkvy budzie tyčycca nia tolki jaje niepasredna. Dumaju, što i pravasłaŭnyja, jakija b jany kanservatyŭnyja nie byli, adkažuć čymści na katalicki zaklik. I nie abaviazkova tolki pa mierkavańniach “kankurencyi”, a taksama prosta pa faktu ahulnaha ažyŭleńnia relihijnaha žyćcia.

Druhaja padzieja, a dakładniej cełaja hrupa padziejaŭ – heta pašyreńnie i kansalidacyja pravaachoŭnych siłaŭ suprać dyskryminacyjnaha biełaruskaha zakanadaŭstva ŭ halinie relihii. Nielha kazać, što tak užo šmat tut dasiahnuli, ale pytańnie padymałasia čaściej, čym u minułyja hady, było navat niekalki seminaraŭ i sustreč. Aktyŭna i davoli paśpiachova źbiralisia podpisy za pierahlad zakonu ab svabodzie sumleńnia. Praŭda inicyjatarami hetych spraŭ vystupała, jak praviła, paŭnaevanhielskaja carkva “Novaje Žyćcio”, jakuju niepasredna zakranuŭ zakon. Heta, kaniešnie, značny minus. I tamu razam z dobrym nehatyŭny vynik – zusim mała ŭ nas chryścijanskaj i ahulnahramadzianskaj salidarnaści pa relihijnych pytańniach. Nia tolki, zrazumieła, pa relihijnych – prosta pra ich zaraz havorka.

Salidarnaść žyćciova patrebnaja, bo, jak pakazali niekatoryja padziei hoda, stratehija “maja chata z kraju” nie zaŭsiody daje efekt. Siarod niezvyčajnych padziej minułaha hoda jość i takaja, jak zamach z boku KDB na dziejnaść pravasłaŭnaha bractva vierujučych, pry čym Maskoŭskaha Patryjarchatu. Chacia hetaje bractva i nieaficyjnaja arhanizacyja, i moža nie abyšłosia tut bieź inicyjatyvy z boku eparchijalnaha kiraŭnictva, usio ž heta pakazvaje, što čakać možna čaho zaŭhodna i ŭ jakim zaŭhodna napramku.

I jašče adzin vynik. Navat “Novaje žyćcio” ŭ niejki momant kupiłasia na “dobraha dziadziu” čynoŭnika. Byŭ niejki peryjad, kali dziaržava pačała zaihryvać z relihijnymi arhanizacyjami. Katalikam paabiacali kankardat, pratestantam vyrašeńnie jurydyčnych ciažkaściaŭ z malebnymi pamiaškańniami. Ale ŭsio heta, zdajecca, było ŭsiaho tolki častkaj ahulnaha planu pa aduračvańniu Zachadu. Heta pierakanała tolki ŭ adnym – pravy treba patrabavać, a nie prasić. Tym bolš u dačynieńni da dyktatury, jakaja razumieje i pavažaje tolki siłu.

• 0
• 0
• 0
• 0
• 0
• 0
• 0
• 0