Premjer-ministr Ukrainy Arsienij Jacaniuk prahnazuje, što ŭ bližejšaj pierśpiektyvie Rasija pierastanie być stratehičnym partnioram Ukrainy.
«U nas dvuchrazovaje padzieńnie abjomaŭ handlu z Rasijaj», — zajaviŭ Jacaniuk padčas pres-kanfierencyi ŭ aŭtorak u Kijevie.
«Heta stała tendencyjaj, heta adbyvajecca nie pieršy hod i, faktyčna, u najkaraciejšaj pierśpiektyvie Rasija vyjdzie sa śpisu asnoŭnych handlovych partnioraŭ Ukrainy», — dadaŭ jon.
Pa słovach Jacaniuka, adkazu na pytańnie, jak Ukrainie ŭ bližejšaj pierśpiektyvie viarnuć Krym, ciapier niama.
«Chutkaha hieapalityčnaha adkazu, jak viarnuć Krym, ciapier niama. Ale jaho anieksija nikim nie pryznanaja», - zajaviŭ jon.
«Kali Haspodź Boh nam dapamoža, jašče pry nas usich my vierniem kantrol nad Krymam. Kali nie, dyk heta zrobiać našy dzieci abo ŭnuki», — padkreśliŭ Jacaniuk.
Tanny haz
U novym hodzie Ukraina taksama raźličvaje na patańnieńnie rasijskaha hazu za košt padzieńnia koštaŭ na naftu, skazaŭ premjer.
«I što nie moža nie radavać kožny raz, kali hladziš na canu Brent, canunafty, to chočaš stabilnaści rasijskaj ekanomicy i ličyš pamianšeńnie cany pryrodnaha hazu Rasii», - skazaŭ jon.
Pa słovach premjera, Ukraina raźličvaje, što ŭ pieršym kvartale 2015 haz budzie kaštavać pa 340 dalaraŭ za tysiaču kubamietraŭ, «a, mahčyma, i nižej».
Siońnia, pa aficyjnych dadzienych, 60% hazu Ukraina kuplaje praz reviers ź ES. Urad čakaje, što hety haz taksama patańnieje.
«Kali b my nie atrymali reviers hazu, na što spadziavałasia Rasija, drovy byli b samym papularnym tavaram va Ukrainie», - skazaŭ premjer.
-
Letni samit G7 pieraniasuć, kab dać Trampu adśviatkavać jubilej
-
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
Kamientary