Biez žadańnia ludziej u Krymie i na Danbasie žyć u adzinaj krainie, adnavić tam ukrainskuju ŭładu budzie niemahčyma.
Pra heta ŭ efiry Radyjo Svaboda zajaviŭ namieśnik kiraŭnika administracyi prezidenta Ukrainy Valeryj Čały.
«Kali kazać ščyra, to biez žadańnia ludziej i ŭ Krymie i na Danbasie žyć u adzinaj krainie, padzialać adzinyja kaštoŭnaści i padzialać adkaznaść ničoha nie budzie», — adznačyŭ Čały.
Pavodle jaho słoŭ, u novym hodzie Kijeŭ praciahnie baraćbu za terytaryjalnuju cełasnaść i suvierenitet krainy, adstojvajučy svaju pazicyju, u tym liku i ŭ mižnarodnych sudach.
«Toje, što my pazmahajemsia za suvierenitet i terytaryjalnuju cełasnaść, - heta vidavočna. Toje, što, na žal, nie vyrašycca adrazu pytańnie Kryma — heta taksama vidavočna.
Ale hety hod budzie vielmi surjoznym z punktu hledžańnia baraćby ŭ mižnarodnych sudach za fiksacyju pazicyj.
I vidavočna, što šlach pa Krymie — heta pakazać pryvabnaść raźvićcia ŭžo ŭ novych umovach intehracyi ź ES, a šlach pa Danbasie — heta štodzionnaja praca, kab hetuju situacyju ŭziać pad kantrol», — skazaŭ Čały.
Jon zapeŭnivaje, što dziaržava nie pakinie hramadzian Ukrainy biez dapamohi na akupavanaj terytoryi. Čały nahadaŭ, što Ukraina ŭžo nakiravała na Danbas humanitarnyja hruzy.
-
Aŭstryja admoviłasia vydać ZŠA ŭkrainskaha aliharcha praź biełaruski dypłamatyčny imunitet
-
Palityk, jaki nie braŭ udziełu ŭ vybarach, šmatrazova sudžany. Što viadoma pra litoŭca z prapahandysckich pieradač BT
-
Karal Naŭrocki nakłaŭ vieta na atrymańnie kredytu dla madernizacyi polskaj armii. Va ŭradzie niezadavolenyja
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary