Niezaležny instytut sacyjalna-ekanamičnych i palityčnych daśledavańniaŭ apublikavaŭ dadzienyja nacyjanalnaha apytańnia, praviedzienaha ŭ śniežni 2014 hoda.
U čaćviortym kvartale adčuli paharšeńnie svajho materyjalnaha stanovišča amal treć biełarusaŭ — 31%. U trecim takich było mienš — 24,6%. Dla paraŭnańnia: palapšeńnie adčuli ŭ abodvuch vypadkach kala 13%.
Pry hetym u vieraśni ličyli, što «sacyjalna-ekanamičnaja situacyja ŭ Biełarusi ŭ bližejšyja hady pahoršycca» 22,5% apytanych, a ŭ śniežni — užo 33,9%.
Adpaviedna, tendencyja pavyšeńnia elektaralnaha rejtynhu Alaksandra Łukašenki źmianiłasia na procilehły: kali ŭ vieraśni za jaho hatovyja byli hałasavać za jaho na prezidenckich vybarach 45,2%, to ŭ śniežni — užo 40%.
NISEPD, na žal, nie pakazvaje, pravodziłasia apytańnie da čarhovaha valutnaha kryzisu, jaki pačaŭsia 19 śniežnia, abo paśla. Adnak z ulikam času, nieabchodnaha na apracoŭku dadzienych, možna mierkavać, što hramadzianie vykazvali svajo mierkavańnie ŭ pieršaj pałovie śniežnia. Tamu možna tolki zdahadvacca, nakolki devalvavaŭsia rejtynh Łukašenki paśla taho, jak rubiel de-fakta patańnieŭ na 30%.
U lubym vypadku, sacyjołahi kanstatujuć: strachi tatalnaj destabilizacyi, jakija ŭźnikli pad uździejańniem padziej va Ukrainie, pastupova prachodziać. Adpaviedna, i nastroj «aby nie było vajny» pracuje na Łukašenku ŭžo ŭ mienšaj stupieni. Asabliva ŭ situacyi, kali realnaja rečaisnaść baluča bje biełarusaŭ pa kišeni.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary