Były intern telekanała CNN Majkł Bełaban vykłaŭ videa, paznačanaje kanałam jak «Nie publikavać, pakul nastupleńnie kanca śvietu nie budzie paćvierdžanaje», raspaviadaje The Daily Mail.
Kruhłasutkavaje viaščańnie CNN moža spynić tolki kaniec śvietu, kazaŭ stvaralnik kanału Ted Ciorner. Pra isnavańnie apošniaha videa na taki vypadak jon kazaŭ jašče ŭ 1988 hodzie.
Zapisam, što zachoŭvajecca ŭ archivach CNN pad nazvaj «TURNER DOOMSDAY VIDEO» («videa Sudnaha dnia Ciornera»), padzialiŭsia były intern kanała. Pavodle jaho słoŭ, mienavita hety zapis musić zapuścić apošni supracoŭnik telekanału, jaki zaśpieje kaniec śvietu.
Na videa vajskovy arkiestr hraje himn «Bližej, moj boža, da ciabie» («Nearer My God To Thee»). Pavodle čutak, mienavita hetuju miełodyju hraŭ arkiestr «Tytanika» padčas katastrofy.
Telekanał nie paćvierdziŭ, ale i nie abvierh historyju ź videa. Z apisańnia funkcyi videa taksama nie zrazumieła, jak budzie paćvierdžany kaniec śvietu i kamu videa ŭ takim razie budzie pakazvacca.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva65
Kamientary