U Babrujsku zatrymany 38-hadovy miascovy žychar, jaki pazvaniŭ u chutkuju dapamohu i paviedamiŭ ab namiery ŭzarvać siabie hranataj.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, 30 śniežnia ŭ HUUS Babrujska pastupiła paviedamleńnie ad dyśpietčara Babrujskaj stancyi chutkaj i nieadkładnaj miedycynskaj dapamohi ab tym, što na telefonnuju liniju «103» pazvaniŭ miascovy žychar i zajaviŭ ab namiery ŭzarvać hranatu ŭ kvatery.
«Mužčyna paviedamiŭ, što ŭ jaho kvatery pa vulicy Łyńkova jość bajavaja hranata, jakuju jon maje namier pryvieści ŭ dziejańnie», — skazała Salaniuk, zaznačyŭšy, što jakich-niebudź patrabavańniaŭ raniej sudzimy mužčyna, jaki nidzie nie pracuje i znachodzicca na psichijatryčnym uliku, nie vyłučaŭ.
Sapiorna-piratechničnaj hrupaj v/č 5527 u kvatery mužčyny była znojdziena i kanfiskavana vučebnaja hranata F-1. Evakuacyja žylcoŭ doma nie pravodziłasia.
Pavodle słoŭ Salaniuk, da 5 studzienia mužčyna znachodziŭsia pad nazirańniem miedykaŭ. Učora ž u dačynieńni da jaho była raspačata sprava pa č. 1 art. 340 Kryminalnaha kodeksa (zaviedama padmannaje paviedamleńnie ab niebiaśpiecy). Vyrašajecca pytańnie ab abrańni dla padazronaha miery strymańnia.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva65
Kamientary