U Žłobinie mikraaŭtobus «Piežo Boksier» źbiŭ traich miascovych žycharoŭ padčas bojki na darozie. Adzin z paciarpiełych pamior u balnicy ad atrymanych cialesnych paškodžańniaŭ, nie prychodziačy u prytomnaść, paviedamili ŭ pres-słužbie ŭpraŭleńnia DAI UUS Homielskaha abłvykankama.
Incydent adbyŭsia 14 studzienia, jak miarkujecca, u 19.35. 58-hadovy kiroŭca na «Piežo Boksiery» ruchaŭsia pa vulicy Pieršamajskaj Žłobina. U rajonie doma №114 jon ździejśniŭ najezd na dvuch mužčyn, jakija lažali i bilisia na prajeznaj častcy, a taksama žančynu-piešachoda, jakaja sprabavała pierakanać ich skončyć bojku.
U vyniku DTZ ŭsie try piešachody atrymali cialesnyja paškodžańni i byli špitalizavany ŭ balnicu, dzie 28-hadovy piešachod pamior ad atrymanych cialesnych paškodžańniaŭ. U paciarpiełych šmatlikija pierałomy, čerapna-mazhavyja traŭmy.
Kamientary