Paśla interviju ź siabram Abjadnanaj hramadzianskaj partyi, ekanamistam Paŭłam Daniejkam u Miensku byli zatrymanyja žurnalisty Ŭładzimier i Halina Samojłavy i teleaperatar Valer Bułdyk. U vyniku zatrymańnia i nadhladu rečaŭ pradstaŭniki milicyi kanfiskavali aparaturu.
Paśla interviju ź siabram Abjadnanaj hramadzianskaj partyi, ekanamistam Paŭłam Daniejkam u Miensku byli zatrymanyja žurnalisty Ŭładzimier i Halina Samojłavy i teleaperatar Valer Bułdyk. U vyniku zatrymańnia i nadhladu rečaŭ pradstaŭniki milicyi kanfiskavali aparaturu.
Hrupa žurnalistaŭ zapisvała 12 studzienia interviju z Paŭłam Daniejkam. Sustreča prachodziła ŭ Miensku, u jaho doma. Tekstavy varyjant hutarki mierkavałasia drukavać u tydnioviku «Nałohovyj kuŕjer priedprinimatiela», a videasiužet — prapanavać adnoj z televizijnych kampanij, piša Camarade online.
Tema interviju bolš čym aktualnaja. Niesankcyjanavany mitynh, jaki praviali 10 studzienia na Kastryčnickaj płoščy kala 3 tysiačaŭ pradprymalnikaŭ, havoryć pra toje, što rynkavyja reformy ŭ krainie prachodziać, miakka kažučy, sa skryhatam. U prablemach transfarmavańnia planavaj ekanomiki ŭ rynkavuju Pavał Daniejka — adzin z najbolš daśviedčanych admysłoŭcaŭ.
Vyjšaŭšy ź jahonaha domu paśla zakančeńnia sustrečy, žurnalisty nie paśpieli vyklikać taksi, pakolki amal adrazu da ich padyšli dvoje ŭ cyvilnym u supravadžeńni kapitana milicyi.
— Vašy dakumenty!
— Kali łaska. U čym sprava?
— Atrymanaja aperatyŭnaja raspracoŭka pra toje, što ŭ hetym domie adbyŭsia kradziež. Čyja heta aparatura?
— Maja, — adkazała Halina Samojłava. — Ja — prafesijny aperatar, rychtuju siužety dla roznych telekampanij.
— U vas jość dakumenty na jaje?
— Viadoma, ale z saboj ja ich nie važu. U hetym niama anijakaj nieabchodnaści. Da taho ž, Pavał Daniejka moža paćvierdzić našyja asoby i toje, što my pracavali mienavita ŭ jaho. Uvajšli ŭ dźviery i vyjšli praź ich!
Vyklikany pa mabilnym telefonie Pavał Daniejka paćvierdziŭ, što ni pra jaki kradziež u dadzienym vypadku nia moža być i havorki. Sustreča ahavorvałasia zahadzia, i jon dobra viedaje žurnalistaŭ. Ale na supracoŭnikaŭ orhanaŭ heta nie zrabiła nijakaha ŭražańnia. Žurnalistaŭ advieźli ŭ adździaleńnie Centralnaha RUUS, dzie byŭ praviedzieny nadhlad ich asabistych rečaŭ.
Dopyt praciahvaŭsia kala troch hadzinaŭ. U vyniku ŭsiu aparaturu, videakasety, fotaaparat zabrali. Na pytańnie, ci budzie aparatura viernutaja, ničoha peŭnaha nie adkazali:
«Kali zdolejecie davieści, što jana naležyć mienavita vam, i što interviju zdymałasia lehalna».
Darečy, pradstaŭnikoŭ u cyvilnym bolš za ŭsio cikaviła pytańnie, ci nie rabiłasia interviju dla niezaležnaj biełaruskaj telekampanii «Biełsat».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary