Ministerstva zamiežnych spraŭ Biełarusi pracuje nad libieralizacyjaj umoŭ pajezdak biełarusaŭ u zamiežnyja dziaržavy i inšaziemcaŭ u Biełaruś.
Ab hetym zajaviŭ siońnia načalnik hałoŭnaha konsulskaha ŭpraŭleńnia MZS Biełarusi Ihar Fisienka na bryfinhu z udziełam dypłamatyčnych pradstaŭnictvaŭ i konsulskich słužbaŭ krain Jeŭrapiejskaha sajuza i Šviejcaryi.
Ihar Fisienka nahadaŭ, što ŭ 2014 hodzie biełaruskim bokam byŭ pryniaty šerah mier pa spraščeńni paradku ŭjezdu i znachodžańnia ŭ Biełarusi zamiežnych hramadzian, a z 1 studzienia 2015 hoda ŭstupili ŭ siłu źmianieńni i dapaŭnieńni ŭ Vizavyja praviły Biełarusi, jakija spraścili paradak vydačy šeraha katehoryj viz.
U pryvatnaści, dla atrymańnia doŭhaterminovaj vizy z metaj padtrymańnia dziełavych kantaktaŭ, udziełu ŭ spartyŭnych i kulturnych mierapryjemstvach dastatkova chadajnictva biełaruskaj jurydyčnaj asoby i dakumienta, jaki paćviardžaje nieabchodnaść pajezdak. Pačałasia vydača dvuch- i trochhadovych viz na ŭjezd ź dziełavymi i humanitarnymi metami. Padraździaleńni pa hramadzianstvie i mihracyi orhanaŭ unutranych spraŭ buduć nakiroŭvać infarmacyju ab uzhadnieńni zaprašeńnia na vučobu abo ab vydačy śpiecdazvołu na prava zajmacca pracoŭnaj dziejnaściu ŭ biełaruskija zahranustanovy pa elektronnaj pošcie, što značna paskoryć praceduru afarmleńnia viz. Praduhledžana vydača doŭhaterminovych rabočych viz.
Pavodle infarmacyi MZS Biełarusi, u 2014 hodzie biełaruskija dypłamatyčnyja pradstaŭnictvy i konsulskija ŭstanovy vydali vizy bolš jak 381 tys. zamiežnych hramadzian. Amal 150 tys. hramadzian atrymlivali vizy z haściavymi metami, bolš jak 77 tys. — ź dziełavymi, bolš za 7 tys. - na vučobu, zvyš 6 tys. — na rabotu. Pry hetym bolšaść viz vydajecca ŭ sproščanym paradku, a zvyš 63 tys. zamiežnych hramadzian atrymali biełaruskija vizy biaspłatna.
Ihar Fisienka adznačyŭ, što rašeńniem kiraŭnika Biełarusi ŭ siarednim u 1,5-2 razy źnižany taryfy konsulskich zboraŭ za vydaču viz hramadzianam Vialikabrytanii i ZŠA. Dzieci da 14 hadoŭ atrymlivajuć vizy biaspłatna.
Akramia taho, da dvuch rabočych dzion skaročany termin padačy chadajnictva na afarmleńnie vizy ŭ Nacyjanalnym aeraporcie Minsk. Za minuły hod kolkaść vydadzienych viz u aeraporcie pavialičyłasia z 10 tys. da 12 tys. Z metaj palapšeńnia absłuhoŭvańnia hramadzian z 8 śniežnia adkryty infarmacyjny punkt upraŭleńnia pa pytańniach ujezdu inšaziemcaŭ hałoŭnaha konsulskaha ŭpraŭleńnia MZS, raźmieščany ŭ budynku aeravakzalnaha kompleksu.
Načalnik hałoŭnaha konsulskaha ŭpraŭleńnia źviarnuŭ uvahu, što ŭ 2014 hodzie pravodziłasia aktyŭnaja rabota pa raźvićci dvuchbakovaj dahavorna-pravavoj bazy. Tak, padpisany pahadnieńni z Ekvadoram i Izrailem ab karotkaterminovych biaźvizavych pajezdkach hramadzian, z Kambodžaj — ab admienie viz dla ŭładalnikaŭ dypłamatyčnych i słužbovych pašpartoŭ. Ustupili ŭ siłu pahadnieńni z Turcyjaj i Manholijaj ab uzajemnaj admienie viz, z Łaosam, Šry-Łankoj i Balivijaj ab biaźvizavych pajezdkach pa dypłamatyčnych, słužbovych i aficyjnych pašpartach, z AAE ab admienie viz dla ŭładalnikaŭ dyppašpartoŭ. Pačalisia kansultacyi z ekśpiertami Jeŭrakamisii pa zaklučeńni pahadnieńniaŭ ab spraščeńni vizavych pracedur i ab readmisii.
Ihar Fisienka taksama nahadaŭ ab spraščeńni paradku abaviazkovaha miedycynskaha strachavańnia inšaziemcaŭ. Z 1 lipienia 2014 hoda zamiežnyja hramadzianie majuć prava pradjavić pry afarmleńni vizy i vykarystoŭvać na terytoryi Biełarusi dakumient, jaki paćviardžaje najaŭnaść dahavora miedycynskaha strachavańnia, zaklučanaha z zamiežnaj strachavoj arhanizacyjaj. Raniej abaviazkovym było nabyćcio polisa miedycynskaha strachavańnia «Biełdziaržstracha» abo «Biełeksimharanta» niezaležna ad najaŭnaści ŭ inšaziemca ŭłasnaj strachoŭki.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary