Ab hetym na pres-kanfierencyi raspavioŭ ministr suviazi Siarhiej Papkoŭ.
Realizacyja mabilnych sietak 4 pakaleńnia (LTE) pačniecca ŭ Biełarusi ŭ 2015 hodzie, pieradaje TUT.BY słovy ministra suviazi.
Pieršaja bazavaja stancyja, što padtrymlivaje technałohiju LTE, źjavicca ŭ 3 kvartale 2015 hoda.
Realizoŭvać prajekt budzie infrastrukturny apieratar beCloud («Biełaruskija vobłačnyja technałohii»), ale schiema realizacyi pakul nie vyznačanaja. Vierahodnym varyjantam budzie prodaž 4G-trafiku isnujučym mabilnym apierataram.
Taksama ŭ 2015 hodzie vyrastuć taryfy na rehulavanyja pasłuhi suviazi dla fizičnych asob.
Papkoŭ ahučyŭ namier ministerstva pa pavieličeńni taryfaŭ «da ŭzroŭniu ŭźmiaščeńnia» — za minuły hod «Biełtelekam» straciŭ kala tryljon rubloŭ. Zaraz padvyšeńnie taryfaŭ uzhadniajecca ź ministerstvam ekanomiki.
Padčas pres-kanfierencyi byli ahučanyja nastupnyja ličby pa Biełarusi:
- 4,5 młn abanientaŭ fiksavanaj suviazi.
- 11,4 młn abanientaŭ sotavaj suviazi (1,2 sim-karty na čałavieka).
- 2,7 młn karystalnikaŭ šyrokapałosnaha dostupu ŭ internet.
- 0,7 młn karystalnikaŭ chutkasnaha internetu pa technałohijach Ethernet i GPON.
- 50% abanientaŭ sotavaj suviazi karystajucca mabilnym internetam.
- 770 Hbit/s składaje źniešni internet-šluz.
Čytajcie taksama: Minsuviazi zachacieła atrymać prybytak ad Skype i Viber
Raźviedka ZŠA: Biełaruś stała pieradavym vajskovym płacdarmam Rasii24
Kamientary