U Charkavie padčas maršu adzinstva adbyŭsia vybuch kala miascovaha Pałacu Sportu.
Pra heta ź miesca padziei paviedamlajuć žurnalisty IT-Sector.
«Kali aktyvisty vystrojvalisia kałonaj, kab iści ŭ kirunku płoščy Svabody, adbyŭsia mahutny vybuch. Šeście paśpieła adyści litaralna na 100 mietraŭ. Na hety momant viadoma ab dvuch zahinułych», — kaža žurnalistka.
Siarod paciarpiełych — aktyvisty, milicyjaniery.
Paźniej pres-sakratar prakurora Charkaŭskaj vobłaści Vita Dubovik zajaviła, što na akcyi da hadaviny Jeŭramajdanu ŭ vyniku vybuchu zahinuli 3 i paciarpieli kala 10 čałaviek.
U kałonie aktyvistaŭ spracavała vybuchoŭka askołačnaha dziejańnia, pry hetym jaje typ pakul nieviadomy, adznačaje RBK-Ukraina.
Kamientary