U Minsku prezientavali sieryju hadzińnikaŭ z nacyjanalnym arnamientam «Spadčyna» FOTA
Limitavanaja sieryja «Spadčyna» minskaha hadzińnikavaha zavoda «Pramień» utrymlivaje pa 50 adzinak kožnaha z šaści varyjantaŭ mužčynskich hadzińnikaŭ.
Prezientacyja prajšła 22 lutaha padčas fiestyvala «Dzień rodnaj movy».
U chutkim časie hadzińniki, stvoranyja ŭ miežach prajektu Hay.by i vyrablenyja na zavodzie «Pramień», źjaviacca ŭ prodažy. Taksama stvaralniki abiacajuć vypuścić žanočy varyjant.
Hadzińniki ŭtrymlivajuć japonski miechanizm (jak kvarcavy, tak i z aŭtadavodam), jany zroblenyja ź nieržaviejučaj stali i naturylnaj skury.
«Kaliści ja pracavała na zavodzie — vykładała supracoŭnikam anhlijskuju movu. Sama zacikaviłasia temaj hadzińnikaŭ, historyjaj «Pramiania». Ź siabrami pryjšli da idei zamović sieryju hadzińnikaŭ ź biełaruskim arnamientam», — raspaviała adna z udzielnic prajektu Vieranika Mazurkievič.
Hadzińniki buduć pradavacca na sajcie Hay.by, cana pakul nieviadomaja. Paralelna z kalekcyjaj «Spadčyna» prajekt Hay.by prapanuje sieryju hadzińnikaŭ «Maštoc» z matyvami staražytnaha armianskaha ałfavitu.
-
Lego i Crocs vypuścili niezvyčajnuju paru abutku. Kaštuje jana 150 jeŭra
-
Dyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
-
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
Kamientary