U Złučanych Štatach zabaranili nadavać pryjarytet asobnym vidam trafiku.
Fiederalnaja kamisija pa suviazi ZŠA zaćvierdziła praviły sieciŭnaha niejtralitetu, paviedamlaje The Guardian.
Pavodle pryniataha vyrašeńnia, pravajdaram ZŠA zabaroniena padzialać internet-trafik pavodle jaho typu. To značyć, nielha nadavać pryjarytet Youtube, što zrobić dostup da World of Tanks pavolniejšym, albo addavać asobny chutki kanał pad Facebook, što «zatarmazić» jaho mieniej papularnych kankurentaŭ. Taksama nielha brać płatu za chutki dostup da kankretnaha resursu.
Ciapier luby trafik u ZŠA musić apracoŭvacca adnolkavym čynam u niezaležnaści ad charaktaru i pachodžańnia.
Pravajdary dostupu ŭ internet ŭ ZŠA vyznačanyja jak hramadskija linii suviazi.
Nadać pryjarytet peŭnym internet-kampanijam nie raz sprabavali ŭ apošnija hady. Suprać vystupali jak šerahovyja karystalniki, tak i «baćka» internetu, a taksama prezident ZŠA Barak Abama.
Z 2014 hoda anałahičny zakon pra sieciŭnuju niejtralnaść dziejničaje ŭ Jeŭrasajuzie.
Takija zakony naŭrad ci padabajucca biełaruskamu Ministerstvu suviazi.
Pa słovach ministra suviazi Siarhieja Papkova, jaho viedamstva razhladaje mahčymaść atrymańnia dadatkovaha prybytku ź miesiendžaraŭ kštału Viber i Skype. Jon śćviardžaje, što 1% karystalnikaŭ zajmaje 50% šyryni internet-šluzu praz prahlad videa, «tanki» (vierahodna, majucca na ŭvazie anłajn-hulni) i miesiendžary.
Z apošnich, pavodle niepaćvierdžanaj infarmacyi, uładalnikam miesiendžaraŭ chočuć prapanavać padzialicca prybytkam z apieratarami suviazi.
-
Kitajskaja kampanija prezientavała pieršaha poŭnapamiernaha robata-humanoida, jaki adčuvaje dotyk i biehaje marafony
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
Kamientary