Arhanizavanaja złačynnaja hrupa raspaŭsiudnikaŭ psichatropnych rečyvaŭ paŭstanie pierad sudom.
Troje raspaŭsiudnikaŭ asabliva niebiaśpiečnych psichatropnych rečyvaŭ abvinavačanyja ŭ vyniku analizu šerahu kryminalnych spraŭ. Niekalki dziasiatkaŭ elektronnych kašalkoŭ, na jakija pastupali srodki ad spažyŭcoŭ zabaronienych preparataŭ, byli zarehistravanyja na padstaŭnych asob, ale ŭ rečaisnaści naležali adnamu čałavieku. Śledčyja vyličyli asobu 29-hadovaha ŭładalnika i sumiesna z supracoŭnikami orhanaŭ unutranych spraŭ praviali mierapryjemstvy pa zatrymańni jaho samoha i dvuch saŭdzielnikaŭ złačynnaha biznesu.
Udzielniki złačynnaj hrupy nidzie nie pracavali, žyli na zdymnych kvaterach, mieli dakładnaje raźmierkavańnie abaviazkaŭ i vykonvali miery kanśpiracyi.
29-hadovy žychar Minskaha rajona źjaŭlaŭsia kaardynataram hrupy, jon ža nabyvaŭ zabaronienyja preparaty i asabista rasfasoŭvaŭ ich. 26-hadovy žychar Mahiloŭskaj vobłaści vykonvaŭ rolu administratara sajta, praź jaki adbyvałasia realizacyja. 23-hadovy minčanin ažyćciaŭlaŭ zakładki.
U chodzie rasśledavańnia vyznačana miescaznachodžańnie 50 schovanak u niekalkich rajonach stalicy, bolš za 200 pastajannych pakupnikoŭ. U ahulnaj ciažkaści ŭ abvinavačanych kanfiskavana bolš za 1 kh psichatropnych rečyvaŭ. Hadavy finansavy abarot ad złačynnaj dziejnaści hrupy składaŭ nie mienš za 4 młrd rubloŭ. Śledčymi aryštavana majomaść abvinavačanych na sumu bolš za 3 młrd 235 młn rubloŭ, u tym liku 4 aŭtamabila i matacykł, 2 kvatery, 135 młn rubloŭ na rachunkach u bankaŭskich ustanovach, srodki ŭ zamiežnaj valucie. Z momantu zatrymańnia ŭsie troje ŭtrymlivajucca pad vartaj.
Padčas rasśledavańnia abmiežavany dostup hramadzian Biełarusi da sajta, jaki abvinavačanyja vykarystoŭvali ŭ złačynnaj dziejnaści.
Paśla zaviaršeńnia rasśledavańnia trom fihurantam pradjaŭlena kančatkovaje abvinavačańnie pa č.4 art.328 Kryminalnaha kodeksa — «Niezakonny abarot asabliva niebiaśpiečnych psichatropnych rečyvaŭ u bujnym pamiery, ździejśnieny arhanizavanaj hrupaj». Kryminalnaja sprava pieradadziena prakuroru dla nakiravańnia ŭ sud.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary