Jeŭraparłamient prypyniŭ praces ratyfikacyi handlovaj damovy z ZŠA praź niapeŭnaść z trampaŭskimi mytami
Jeŭrapiejski parłamient prypyniŭ praces zaćviardžeńnia maštabnaj handlovaj damovy sa Złučanymi Štatami. Takoje rašeńnie pryniata na fonie situacyi vakoł mytnaj palityki, źviazanaj ź dziejańniami prezidenta ZŠA Donalda Trampa, paviedamlaje «Jeŭrapiejskaja praŭda».
Kiraŭnik kamiteta pa mižnarodnym handli Jeŭraparłamienta Biernd Łanhie paviedamiŭ, što nastupstvy rašeńnia Viarchoŭnaha suda ZŠA nielha ihnaravać. Na jaho dumku, praciahvać pracu, niby ničoha nie adbyłosia, niemahčyma. Pavodle jaho słoŭ, situacyja stała bolš niapeŭnaj, a heta supiarečyć pryncypam stabilnaści i pradkazalnaści, jakich imknulisia dasiahnuć u miežach pahadnieńnia.
Praca nad zaćviardžeńniem damovy prypynienaja da taho času, pakul nie źjavicca bolš vyraznaści i jurydyčnaj peŭnaści ŭ handlovych adnosinach pamiž ES i ZŠA. Zapłanavanaje hałasavańnie adkładziena, a dalejšyja kroki buduć pierahledžanyja ŭ najbližejšy čas.
20 lutaha Viarchoŭny sud ZŠA pryznaŭ niezakonnymi maštabnyja hłabalnyja taryfy, uviedzienyja prezidentam ZŠA Donaldam Trampam raniej. U adkaz Jeŭrapiejskaja kamisija zapatrabavała ad amierykanskaj administracyi poŭnaj jasnaści adnosna dalejšaj handlovaj palityki paśla hetaha rašeńnia.
Viarchoŭny sud ZŠA pryniaŭ rašeńnie ab admienie bolšaści taryfaŭ, uviedzienych Donaldam Trampam
Jeŭrakamisija źviarnułasia ŭ Bieły dom pa tłumačeńni, što ciapier budzie z handlovaj damovaj paśla admieny trampaŭskich mytaŭ
Tramp nazvaŭ hańbaj rašeńnie «hetych čortavych sudoŭ»
Tramp dadaŭ jašče 10% taryfaŭ na ŭvieś impart paśla pryznańnia raniejšych mytaŭ niezakonnymi
Tramp pavysiŭ hłabalnyja taryfy z 10% da 15%
Kamientary