Edvard Snoŭden źviarnuŭsia da ŭładaŭ Šviejcaryi z prośbaj dać jamu prytułak. Jon skazaŭ, što chacieŭ by pierajechać u Ženievu, dzie niekali pracavaŭ na CRU pad dypłamatyčnym prykryćciom.
Były supracoŭnik ANB, jakoha šukaje Vašynhton za bujnamaštabnyja ŭciečki sakretnaj infarmacyi ab amierykanskich prahramach elektronnaha sačeńnia, kantaktavaŭ z aŭdytoryjaj ŭ Ženievie pa videasuviazi paśla demanstracyi dakumientalnaha filma pra jaho.
«Ja chacieŭ by viarnucca ŭ Šviejcaryju, adnyja z maich samych lubimych uspaminaŭ źviazany z Ženievaj», — skazaŭ Snoŭden, jaki znachodzicca ciapier u Rasii.
Pra heta jon skazaŭ, adkazvajučy na pytańnie ab jaho žadańni atrymać prytułak, zadadzieny ŭdzielnikami Mižnarodnaha kinafiestyvalu i forumu pa pravach čałavieka.
Na forumie byŭ pradstaŭleny dakumientalny film «Hramadzianin čatyry», jaki atrymaŭ «Oskara» i jaki raspaviadaje historyju Edvarda Snoŭdena.
Ab reakcyi ŭładaŭ Šviejcaryi pakul nie paviedamlałasia.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek18
Kamientary