Ministerstva ŭnutranych spraŭ Łatvii padrychtavała prajekt rekamiendacyj ab tym, jak pavinna dziejničać nasielnictva ŭ vypadku vajny.
Buklet takoha ž źmiestu rychtuje i Dziaržaŭnaja pažarna-vyratavalnaja słužba, adnak u im, u adroźnieńnie ad dakumienta MUS, zhadvajecca nadzvyčajnaja situacyja, a nie vajna ci ŭzbrojeny kanflikt, paviedamlaje Delfi.lv.
U rekamiendacyjach MUS raspaviadajecca pra apaviaščeńnie nasielnictva, evakuacyju, jak sabrać sumku ŭ nadzvyčajnaj situacyi, padrychtavać zapasy, žyllo, jak pavodzić siabie ŭ zonie vajennych dziejańniaŭ i inš.
Žycharam rekamiendavana pry pieršaj ža mahčymaści pakinuć razam ź siamjoj niebiaśpiečnuju zonu.
Kali heta niemahčyma, treba sabrać sumku z samym nieabchodnym — hrašyma, dakumientami, bankaŭskaj kartkaj, reziervovym mabilnym telefonam, partatyŭnym radyjopryjomnikam, nažom, siakieraj, zapalničkaj, lekami, praduktami i inšymi pradmietami pieršaj nieabchodnaści.
Taksama ludzi pavinny nieadkładna paviedamlać pravaachoŭnym orhanam pra zaŭvažanych imi padazronych asobaŭ sa zbrojaj, jakija drenna aryjentujucca na miascovaści, adroźnivajucca svaim vonkavym vyhladam ad miascovych žycharoŭ ci desantavalisia z pavietra abo mora.
U zonie vajennych dziejańniaŭ ludziam rekamiendavana pavodzić siabie spakojna, nie ŭstupać u kanflikt z uzbrojenymi ludźmi i vykonvać ich patrabavańni. U vypadku pierastrełki treba šukać schovišča ŭ padvalnych pamiaškańniach abo jarach.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było6
Kamientary