Upraŭleńnie Śledčaha kamiteta pa Viciebskaj vobłaści skončyła rasśledavańnie razbojnych napadaŭ u Biešankovickim i Viciebskim rajonach.
Złačynstvy byli ździejśnienyja jašče minułym letam. U lipieni ŭ adzin z damoŭ vioski Bieraśni Biešankovickaha rajona Viciebskaj vobłaści ŭvarvalisia dvoje nieviadomych u maskach z prarezami dla vačej i rota. Z dapamohaj ci to pałak, ci to bit jany źbili haspadaroŭ, muža i žonku, i źviazali ich. Paśla čaho złačyncy skrali 1 młn rubloŭ, juvielirnyja ŭpryhažeńni i syšli. U vyniku napadu žančyna doŭhi čas znachodziłasia na lačeńni, a jaje muž pamior u balnicy.
Hetaja sprava nieadkładna było pastaŭlena na asabisty kantrol načalnika ŭpraŭleńnia Śledčaha kamiteta Respubliki Biełaruś pa Viciebskaj vobłaści.
Ale ŭžo praz tydzień anałahičnaje złačynstva było zarehistravana ŭ vioscy Padłaźniki Viciebskaha rajona. Iznoŭ dvoje nieviadomych u maskach z draŭlanymi pałkami ŭ rukach pranikli ŭ dom, dzie žyła siamiejnaja para. Pa infarmacyi Śledčaha kamitetu, tam rabaŭniki skrali nie mienš za 300 000 biełaruskich rubloŭ, załatyja ŭpryhažeńni i mabilnik. Haspadara doma źbili tak, što jon praz tydzień skanaŭ.
Ale chutka zatrymali dvaich padazravanych: dvoje mužčyn, 1973 i 1976 hoda naradžeńnia, jakija raniej sumiesna adbyvali pakarańnie ŭ papraŭčaj ustanovie. Abodva raniej byli nieadnarazova sudzimyja za ŭčynieńnie karyślivych złačynstvaŭ. U momant zatrymańnia ŭ asabistych rečach padazravanych znajšli rečy paciarpiełych.
Śledstvam było ŭstanoŭlena, što abvinavačanyja pierad učynieńniem złačynstva vyrablali ceły kompleks padrychtoŭčych mierapryjemstvaŭ: vyrablali z dreva pryłady złačynstva, majstravali pradmiety maskiroŭki, šukali damy, u jakich, na ich dumku, mahli być značnyja hrašovyja srodki. Pry hetym u abodvuch vypadkach abvinavačanyja pamylilisia ŭ svaich zdahadkach i ździejśnili napady na siamiejnyja pary siaredniaha dastatku. A ŭ momanty ździajśnieńnia złačynstvaŭ abodva abvinavačanych byli pjanyja.
«U ciapierašni čas pa kryminalnaj spravie zavieršany ŭvieś kompleks śledčych dziejańniaŭ. Sabrana dastatkovaja kolkaść dokazaŭ, jakija paćviardžajuć karyślivy matyŭ ździajśnieńnia złačynstva. U ramkach rasśledavańnia praviedziena bolš za 30 ekśpiertnych daśledavańniaŭ, u tym liku sudova-psichijatryčnaja ekśpiertyza, pa vynikach jakoj abvinavačanyja asoby źjaŭlajucca ŭ stanie śviadomaści», paviedamlaje pres-słužba Śledčaha Kamitetu RB.
Z momantu zatrymańnia pa ciapierašni čas abvinavačanyja ŭtrymlivajucca pa vartaj. U ciapierašni čas kryminalnaja sprava pieradadziena prakuroru dla nakiravańnia ŭ sud.
Dziejańni abvinavačanych kvalifikavanyja pa prykmietach składaŭ złačynstvaŭ, praduhledžanych p.p. 6, 12, 15, 16 č.2 art.139 (zabojstva, spałučanaje z razbojem, ździejśnienaje hrupaj asobaŭ z asablivaj žorstkaściu), č.3 art.207 (razboj, ździejśnieny z pryčynieńniem ciažkaha cialesnaha paškodžańnia) Kryminalnaha kodeksa Respubliki Biełaruś. Pryčym,artykuł za zabojstva praduhledžvaje vielmi surjoznaje pakarańnie, ad 8 hadoŭ da pažyćciovaha źniavoleńnia, ci navat śmiarotnaha pakarańnia.
Kamientary