NASA sprajektavała elektrasamalot z 18 prapielerami
Novyja prapielery LEAPTech dazvolać rabić kryły samalotaŭ nadzvyčaj tonkimi.
NASA viadzie raspracoŭku samalota z 18 prapielerami, što buduć siłkavacca ad lityj-ijonnych batarej, raspaviadaje IEEE Spectrum.
U bližejšyja miesiacy NASA praviadzie naziemnyja vyprabavańni prapieleraŭ na kryle, zamacavanym na hruzaviku. Ale vyprabavańni cełaha pratatypu samalota ŭžo zapłanavana pravieści na avijabazie «Edvards» u Kalifornii, ZŠA.
Raspracoŭka aparata prachodzić u miežach prahramy LEAPTech — novia technałohija elektraprapieleraŭ dazvolić kanstrujavać samaloty z nadzvyčaj tonkimi pa šyryni kryłami.
Prapielery ekśpierymientalnaha samalota raźmieściacca na kryłach razmacham 9,5 m. Jany pracujuć niezaležna i mohuć abaročvacca na roznych chutkaściach albo naohuł spyniacca, kali ŭ ich niama patreby.
Taki samalot zmoža raźvivać chutkaść da 320 km/hdz, padymacca na 3,5 km i nieści čatyroch pasažyraŭ na 720 km.
Pakaźniki davoli zvyčajnyja dla takoha kłasu. Asablivaść tolki ŭ tym, što sučasnym samalotam takoha kłasu patrebnaja ŭ try razy bolšaja płošča kryła.
Prahrama LEAPTech jość častkaj bolšaj prahramy X-plane, u miežach jakoj z 1946 hoda viaducca raspracoŭki pierśpiektyŭnych samalotaŭ. Doŭhi čas prahrama X-plane kuryravałasia armijaj ZŠA i zastavałasia sakretnaj. Pieršy samalot prahramy, Bell X-1, byŭ pieršym aparatam, što pieraadoleŭ hukavy barjer.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Kamientary