Nievialički eciud Mikiełandžeła pradali za 27,2 miljona dalaraŭ. Heta rekord
Na aŭkcyjonie Christie’s u Ńju-Jorku pradali maleńki eciud Mikiełandžeła za 27,2 miljona dołaraŭ, što stała novym rekordam dla rabot mastaka, kali-niebudź pradadzienych na tarhach. Malunak nievialiki — pamieram z dałoń, i na im namalavanaja tolki stupnia: piatka źlohku padniataja nad ziamloj, pad joj bačny cień, paviedamlaje CNN.
Historyja znachodki pačałasia z taho, što ŭładalnik adpraviŭ fatahrafiju eciudu na anłajn-acenku, navat nie padazrajučy pra jaho sapraŭdnuju kaštoŭnaść. Śpiecyjalisty Christie's paćvierdzili, što aŭtar — sam Mikiełandžeła.
Malunak zrobleny čyrvonaj krejdaj i słužyŭ padrychtoŭčym eciudam da freskaŭ na stoli Sikścinskaj kapeły ŭ Vatykanie, nad jakimi mastak pracavaŭ u 1508—1512 hadach. Pozu stupni i inšyja asablivaści možna ŭbačyć u fihury Livijskaj siviły na centralnych scenach z Knihi Byćcia.
Ekśpiertka Christie's Džada Damien adznačyła, što hladač, hladziačy na malunak, adčuvaje moc tvorčaj enierhii mastaka: vidać, jak jon uciskaŭ krejdu ŭ papieru, pieradajučy formu stapy.
Eciud daje redkuju mahčymaść zazirnuć u majsterniu Mikiełandžeła, bo bolšaść jaho padrychtoŭčych nakidaŭ nie zachavałasia: častku źniščyŭ sam mastak, častka prosta stračanaja abo paškodžanaja. Da siońniašniaha dnia viadomyja tolki dva eciudy ź fihuraj Livijskaj siviły — adzin u Ašmaleanskim muziei ŭ Oksfardzie, a druhi ŭ Mietrapoliten-muziei ŭ Ńju-Jorku. Usiaho zachavałasia kala 50 eciudaŭ da fresak Sikścinskaj kapeły, i raniej nivodzin ź ich nie pradavaŭsia na aŭkcyjonie.
Raniej nieviadomy malunak vyklikaŭ vialikuju cikavaść pakupnikoŭ, i finalnaja cana amal u 20 razoŭ pieravysiła pačatkovuju acenku, zrabiŭšy jaho samym darahim tvoram Mikiełandžeła, pradadzienym na adkrytym aŭkcyjonie.
Padrabiaznyja daśledavańni paćvierdzili aŭtarstva mastaka: na malunku ŭ levym nižnim kutku napisana imia Mikiełandžeła, jak i na anałahičnym eciudzie ŭ Mietrapoliten-muziei.
Raniej malunak znachodziŭsia ŭ adnoj siamji bolš za 200 hadoŭ. U XVIII stahodździ jaho nabyŭ šviejcarski dypłamat Arman Fransua Łui de Miestral de Sien-Safaren, potym jon pierajšoŭ da plamieńnika, a dalej — da naščadkaŭ, jakija vyrašyli pradać eciud na aŭkcyjonie. Imia pakupnika Christie's nie raskryvaje.
Łuŭr zapłaciŭ dziasiatki miljonaŭ jeŭra za karcinu, jakuju źbiralisia vykinuć u śmietnicu
Na aŭkcyjonie pradali karcinu Rubiensa, jakaja niekalki stahodździaŭ ličyłasia stračanaj
Dziŭnuju i złaviesnuju karcinu Frydy Kała kupili za rekordnyja dla žančyny-mastački hrošy
Karcinu Hustava Klimta pradali za $236 miljonaŭ. Heta rekord
U Minsku byŭ svoj šedeŭr Albrechta Dziurera. Dzie jon ciapier?
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary