15 hadoŭ tamu fatazdymki Anatola Kleščuka, źmieščanyja ŭ «Źviaździe», «Navinach BNF», «Svabodzie», skałanuli Biełaruś: vočy čarnobylskich dziaciej u ankalahičnych bolnicach skazali bolš praŭdy, čym usie hazetnyja artykuły dahetul. Ciapier vystava fatazdymkaŭ Kleščuka «Bol ścichaje pavoli» vystaŭlajecca ŭ Nacyjanalnym mastackim muzei.
15 hadoŭ tamu fatazdymki Anatola Kleščuka, źmieščanyja ŭ «Źviaździe», «Navinach BNF», «Svabodzie», skałanuli Biełaruś: vočy čarnobylskich dziaciej u ankalahičnych bolnicach skazali bolš praŭdy, čym usie hazetnyja artykuły dahetul. Ciapier vystava fatazdymkaŭ Kleščuka «Bol ścichaje pavoli» vystaŭlajecca ŭ Nacyjanalnym mastackim muzei.
20 hadoŭ paśla Čarnobylu – čas, za jaki vyrasła cełaje pakaleńnie. Žyćcio hetaha pakaleńnia adlustroŭvajecca na fatazdymkach Kleščuka. Mastak raźmiaściŭ pobač fatazdymki adnych i tych ža ludziej, zroblenyja ŭ druhoj pałovie 80-ch, u siaredzinie 90-ch. Tutsama – najbolš blizkija pa časie: minułaha i pazaminułaha hodu. Małyja dzieci na balničnych łožkach, abłytanyja pravadami. I jany ž – užo darosłyja, z fatahrafijami tych, daŭnich dzion.
Vystava pakazvaje, što Anatol Klaščuk – čałaviek niezvyčajna mužny. Sutyknucca z takoj kancentracyjaj čałaviečaha bolu i znajści ŭ sabie siły pierakazać jaho dla inšych – na heta treba nie aby-jakija siły. «Ja vielmi pavažaju hetych ludziej. Kali mnie kažuć, što niešta zdymać nielha, to ja nie zdymaju. I jany mianie pavažajuć za heta. U tym liku – i za toje, što ja potym abzvaniŭ amal usich i zaprasiŭ na vystavu», – dzialiŭsia Klaščuk paśla imprezy. Darečy, na adkryćcio pryjšła adna z hieraiń Kleščukovych zdymkaŭ – Julija: u jaje akurat byŭ dzień naradžeńnia, u honar čaho fotamastak padaryŭ joj bukiet ružaŭ.
Vystava «Bol ścichaje pavoli» paśla Mastackaha muzeju maje ekspanavacca ŭ inšych haradach Biełarusi.
Adam Voršyč
❏
«Pavał 1994».
«Pavał 2005».
Fota Anatola Kleščuka
Kamientary