U haspadarkach Viciebščyny masava zatrymlivajuć vypłaty siezonnym rabotnikam
Pra heta kažuć rabotniki z roznych rajonaŭ.
U ahrahaspadarkach Viciebščyny masava zatrymlivajuć vypłaty siezonnym rabotnikam, paviedamlaje kanał «Viciebsk, ja hulaju».
Abvastryłasia prablema z zatrymkaj vypłat ludziam, jakija pracujuć u ahrapradpryjemstvach nie ŭ štacie — tak zvanym «damoŭnikam». Prablema ciahniecca hadami, ale ciapier, miarkujučy pa paviedamleńniach z roznych rajonaŭ, jana abvastryłasia jak nikoli — zatrymki achapili mnohija rajony vobłaści.
Sihnały prychodziać ź Sieńnienskaha, Brasłaŭskaha, Lepielskaha, Połackaha i Hłybockaha rajonaŭ. U Sieńnienskim rajonie ŭ liku daŭžnikoŭ nazyvajuć haspadarki «Uljanavičy», «Litusava», «Bialenieva», «Studzionka», a taksama «Saŭhas im. Mašerava». Paviedamlajuć ab zatrymkach u ahrapradpryjemstvach «Brasłaŭski» (ah. Milki) i «Lepielskaje» (ah. Vialiki Poŭśviž) — tam, pa słovach ludziej, nie vydajuć jašče za vierasień. U «Klaścicach-Ahra» — filijale połackaj «Safijki» — paviedamlajuć pra niavypłaty za vierasień-kastryčnik. Asobna zhadvajecca i hłybockaja haspadarka «Kanstancinaŭ Dvor».
Taksama viadomyja vypadki zatrymak u Šumilinskim i Loźnienskim rajonach — ludzi pišuć ab prablemie, jakaja ciahniecca jašče sa žniŭnia 2025 hoda, ale biez udakładnieńnia kankretnych haspadarak.
Kamientary