U Novasibirsku prajšło malitoŭnaje stajańnie suprać pastanoŭki opiery Vahniera «Tanhiejzier»
U niadzielu ŭ Novasibirsku prajšło tak zvanaje «malitoŭnaje stajańnie» suprać opiery Vahniera «Tanhiejziera», na jakoje sabralisia bolš za tysiaču čałaviek.
Udzielniki akcyi patrabavali adstaŭki dyrektara Novasibirskaha teatra opiery i baleta Barysa Miezdryča.
Uviečary stała viadoma pra zvalnieńnie Miezdryča.
Rasijskija infarmacyjnyja ahienctvy spasyłajucca na adpaviedny zahad, padpisany ministram kultury Rasii Uładzimiram Miadzinskim.
Novym dyrektaram Novasibirskaha teatra opiery i baleta pryznačany ciapierašni dyrektar sankt-pieciarburhskaha Michajłaŭskaha teatra Uładzimir Kiechman, viadomy miecenat, jaki raniej byŭ uznaharodžany niekalkimi ordenami Ruskaj pravasłaŭnaj carkvy, u tym liku ordenam Sierhija Radaniežskaha i ordenam Sierafima Saroŭskaha.
Dziejańnie opiery Rycharda Vahniera «Tanhiejzier» ŭ pastanoŭcy maładoha režysiora Cimafieja Kulabina było pieraniesienaje ŭ sučasnaść: hałoŭny hieroj paŭstaŭ u vobrazie režysiora, jaki źniaŭ film pra nieviadomaje, hrachoŭnaje žyćcio Isusa Chrysta.
Naprykancy lutaha pastanoŭka «Tanhiejziera» u Novasibirskam teatry opiery i baleta stała pradmietam suda.
Praŭda, administracyjnaja sprava suprać dyrektara Barysa Miezdryča i režysiora Cimafieja Kulabina była spynienaja, adnak u śpiektakl byli ŭniesienyja niekatoryja źmieny. Tak, płakat da filma kinarežysiora Hienrycha Tanhiejziera «Vienieryn hrot», dzie pamiž noh aholenaj žančyny namalavany ukryžavany mužčyna, zaviesili biełaj tkaninaj.
Kamientary