Mihracyjnaja słužba Aŭstralii raskryła numary pašpartoŭ suśvietnych lidaraŭ
Asabistyja źviestki Pucina, Abamy i Mierkiel uciekli, ale niedaloka.
Supracoŭnik mihracyjnaj słužby Aŭstralii vypadkova raskryŭ asabistyja źviestki udzielnikaŭ samitu G20, paviedamlaje The Guardian.
Supracoŭnik słužby niapravilna zapoŭniŭ pole «Kamu» pry rassyłcy listoŭ.
List z numarami pašpartoŭ i infarmacyjaj pra vizy 31 suśvietnaha lidara (u tym liku kiraŭnikoŭ Rasii, ZŠA, Hiermanii, Vialikabrytanii, Kitaja, Indyi, Japonii i inšych krain) byŭ razasłany arhanizataram Kubku Azii pa futbole.
Ułady Aŭstralii vyklučajuć źjaŭleńnie źviestak u šyrokim dostupie.
Atrymalniki vydalili list z pošty. Mihracyjnaja słužba Aŭtralii rekamiendavała nie paviedamlać palitykam pra ŭciečku, paličyŭšy jaje niaznačnaj. Takaja rekamiendacyja moža supiarečyć zakonam niekatorych krain, čyje lidary mahli paciarpieć ad uciečki.
Kamientary